-->
×

Warning

JUser: :_load: Unable to load user with ID: 29


ပန်းစကြာမှန်ပြောင်း ဦးနှောက်မုန်တိုင်းထန်ခြင်း

တချို့ ဦးနှောက်မုန်တိုင်းထန်ခြင်း နည်းလမ်းတွေ မှာ ပါဝင်ကြသူတွေကို အသာနှုတ်ဆိတ်ပြီး နက်နက်နဲနဲ

တွေးတောခိုင်းတဲ့အလှည့်တွေ ထည့်သွင်းပေးထားပါတယ်။
သူတို့ရရှိတဲ့အကြံတွေကို နှုတ်မှ ပြောဆို ခြင်း မပြုဘဲ စာရွက်ပေါ် ချရေးကြရပါတယ်။ အဲဒီလို ချရေးထားတဲ့ အကြံတွေကို အားလုံးသိ အောင် ပွဲထိန်းက ဖတ်ပြရပါတယ်။ အဲဒီလို သူများတွေးထားတဲ့အကြံကို မိမိမှ အကောင်း ဆုံးဖြစ်အောင် ကြံဆပေးပြီး စာရွက်ပေါ်ချရေး ပေးရပါတယ်။ အကြံတူ နောက်လူသာစမြဲ ဆို တဲ့အတိုင်း နောက်လူက ဖြည့်စွက်ပေးလိုက်ပြီး ပိုသာတဲ့အကြံကို ရရှိသွားစေတာ ဖြစ်ပါတယ်။
အခုလို လုပ်ခိုင်းတာ တစ်မျိုးကြီး ဖြစ်နေ ပေမဲ့ တီထွင်ကြံဆမှု ဖြစ်စဉ်ကို ပွင့်သွားစေပါ တယ်။ ပါဝင်ကြသူတွေ နှုတ်မရဲလို့ မပြောဝံ့တာ ကို ရေးချပြီး ပြောပြလို့ ရသွားစေပါတယ်။ တခြားသူရဲ့ အကြံကို ကိုယ့်အမြင်ဖြင့် ကြည့်ပြီး ရှုထောင့်အသစ်မှ မြင်သွားစေပါတယ်။
ပန်းစကြာမှန်ပြောင်း Kaleidoscope ထဲကို ကြည့်လိုက်ရင် နဂိုက ရိုးရိုးကလေးတွေကို အဆန်းအပြားအဖြစ် အမျိုးမျိုး အဖုံဖုံ မြင်ရတဲ့အတိုင်း ဆန်းပြားတဲ့အမြင်တွေကို ရရှိသွား စေပါတယ်။
နောက်တစ်မျိုးကတော့ ပါဝင်ကြသူတွေ အတွက် မိမိမှ ကြံဆပေးရတာ ဖြစ်ပါတယ်။ တကယ်တော့ တခြားသူတွေအတွက် တွေးပေး တဲ့ အကြံဟာ မိမိရဲ့ ကိုယ်ပိုင်အကြံပါ။ ဒါပေမဲ့ တခြားသူတစ်ဦးအနေဖြင့် စဉ်းစားပေးတဲ့အခါ တွေးတောကြံဆပေးပုံက တစ်မျိုးတစ်မည် ဖြစ် သွားပါတယ်။
ပွဲမှာ ပါဝင်သူတိုင်းက တခြားသူတွေ အသီးသီးအတွက် မိမိမှ စဉ်းစားကြံဆပေးရတဲ့ အပြင် တခြားသူတွေက တခြားသူအတွက် ဘယ်လို တွေးကြံပေးသလဲဆိုတာကိုပါ တွေး ကြည့်ပေးရပါတယ်။ နားရှုပ်သွားသလား။
ဆိုကြပါစို့။ အေ ရယ် ဘီ ရယ် စီ ရယ် သုံးဦးပါတဲ့ အဖွဲ့တစ်ခု ဦးနှောက်ထန်ကြပြီ။
တိတ်ဆိတ်တဲ့ အခန်းတစ်ခုထဲမှာ တိတ်တိတ်ဆိတ်ဆိတ် ထိုင်ပြီး အကြံထုတ်ကြရတယ်။
အဲဒီအခါမှာ
ပါဝင်သူ ‘အေ’က သူ့ကိုယ်ပိုင် ကြံဆမှုတွေကို ချရေးပေးရတဲ့အပြင် အဖွဲ့ထဲမှာ ပါဝင်သူ ‘ဘီ’အတွက်လည်း သူ့ကိုယ်စား တွေးကြံပြီး ရေးပေးရတယ်။ စီရဲ့ ကိုယ်စားလည်း အလားတူရေးပေးရတယ်။ ဘီက ဘယ်လို တွေးနေမလဲ၊ စီက ဘယ်လို တွေးနေမလဲဆိုတာ စဉ်းစားကြည့်ပြီး ရေးပေးရတာ ဖြစ်ပါတယ်။
အဲဒါအပြင် ဘီကလည်း သူကိုယ်ပိုင် အကြံရထားတာတွေကို ရေးပေးရတဲ့အပြင် ပါဝင်သူ ‘စီ’အတွက် သူ့ကိုယ်စား တွေးကြံပြီး ရေးပေးရပါတယ်။
စီ ကလည်း အလားတူပါပဲ။ မိမိ ရတဲ့အကြံတွေအပြင် အေ ရဲ့ ကိုယ်စား တွေးကြံပြီး ရေးပေးရပါတယ်။
အဲဒီလိုမျိုး ပါဝင်သူတိုင်းအတွက် ရေးပေးရပါတယ်။ လူစုံအောင် ရေးပေးရပါ တယ်။ လူတစ်ယောက်ရဲ့ အတွေးအကြံကို ဆတိုးပွားပေးလိုက်တာ ဖြစ်ပါတယ်။ ပန်းစကြာ မှာ မူရင်းပုံကို ဆတိုးပွားပြီး ထုတ်ဖော်ပြသတာ နဲ့ တူလို့ ပန်းစကြာ မုန်တိုင်းထန်နည်းလို့ မှည့် ခေါ်ခြင်း ခံရတဲ့နည်း ဖြစ်ပါတယ်။
တကယ်တော့
တခြားသူတစ်ယောက်ရဲ့ ရှူးဖိနပ်ထဲ ၀င်ကြည့်ပြီး စဉ်းစားကြည့်ရတာ ဖြစ်ပါတယ်။ တခြားသူတစ်ယောက်ရဲ့ စိတ်အတွေးတွေကို မျှဝေခံစားကြည့်တာ ထပ်တူခံစားကြည့်တာ ဖြစ်ပါတယ်။ တခြားသူက စာရွက်ပေါ် ရေးထားတဲ့အကြံက ဘာများ ဖြစ်မလဲဆိုတာကို မှန်းဆကြည့်တဲ့အခါ ‘ငါ’ ဆိုတာ မှေးမှိန်သွားချိန်မှာ ထွက်ပေါ်လာတဲ အကြံတွေကို ရရှိတာ ဖြစ်ပါတယ်။

Read times
Rate this item
(1 Vote)