-->
×

Warning

JUser: :_load: Unable to load user with ID: 29


မြန်မာနိုင်ငံရှိ မိသားစု လုပ်ငန်းများတွင် ဖြစ်ပေါ်နေတတ်သော စိန်ခေါ်မှုများနဲ့ ကျော်လွှားနိုင်မည့် နည်းလမ်းများ

မြန်မာနိုင်ငံရှိ မိသားစု လုပ်ငန်းများတွင် ဖြစ်ပေါ်နေတတ်သော စိန်ခေါ်မှုများနဲ့ ကျော်လွှားနိုင်မည့် နည်းလမ်းများ google.com

အခုဆိုရင် Business Coaching ၀န်ဆောင်မှုတွေနဲ့ Leadership Training တွေကို လုပ်ပေးလာခဲ့တာမှာ မိသားစုလုပ်ငန်းတွေကို မကြာခဏ တွေ့ရတတ်ပါတယ်။

အထူးသဖြင့် နယ်မြို့တွေမှာ ပိုပြီးများပါတယ်။

မိဘလက်ထက်က စထူထောင်ခဲ့မယ်။

သားသမီးတွေ ကြီးလာတော့ ၀င်လုပ်ကြမယ်။

အဲဒီမှာ နဂိုရှိပြီးသား အားသာချက်တွေကို လူငယ်တွေရဲ့ အိုင်ဒီယာတွေ ပေါင်းထည့်နိုင်တာတွေ ရှိနေနိုင်သလို ခေတ်စနစ်နဲ့ လျော်ညီစွာ ပြောင်းလဲနိုင်ခြင်း မရှိတဲ့ စိန်ခေါ်မှုတွေလည်း တွေ့ရတတ်ပါတယ်။

လူငယ်တွေက အလောတကြီးလုပ်ချင်လို့ နဂိုတည်ငြိမ်နေပြီးသား လုပ်ငန်းတွေ ယိမ်းယိုင်သွားတာတွေလည်း ရှိနိုင်ပါတယ်။

များသောအားဖြင့် လူကြီးတွေက ပြောင်းလဲချင်စိတ်မရှိတာ၊ လူငယ်တွေက မိဘတွေ မျှော်မှန်းသလို ဖြစ်မလာတာ၊၊

မောင်နှမတွေ အချင်းချင်း မတည့်ကြတာ၊ တစ်ယောက်တစ်မျိုး ပုံစံ အမျိုးမျိုးနဲ့ အုပ်ချုပ်နေကြတာ၊

လုပ်ငန်းနာမည်တစ်ခုတည်း ဖြစ်ပေမယ့် ပိုင်ဆိုင်မှုတွေ မတူတော့ပဲ တကွဲတပြားစီ ဖြစ်နေတာ၊ လုပ်ငန်းအကျိုးစီးပွားကို မျှော်တွေးပြီး မိသားစု စည်းလုံးညီညွတ်မှု ထိခိုက်တာ၊

လုပ်ငန်းက ရှေ့ဆက်သွားလို့ မရတာ စသဖြင့် မျိုးစုံသော အခက်အခဲတွေ တွေ့ကြုံနေကြရပါတယ်။

မြန်မာနိုင်ငံက မိသားစုလုပ်ငန်းတွေမှာ ကြုံတွေ့ရတတ်တဲ့ အခက်အခဲလေးတွေကို ပြီးခဲ့တဲ့ရက်ပိုင်းက ဆွေးနွေးဖြစ်ခဲ့တာတွေကို ကျွန်တော်စုစည်း တင်ပြချင်ပါတယ်။

အဲဒီနောက်မှတော့ ကျွန်တော်လေ့လာထားသလောက် မိသားစုလုပ်ငန်းတွေအနေနဲ့ လုပ်ငန်းကို ပိုမို စနစ်ကျအောင် လုပ်ဆောင်သင့်တဲ့ အချက်လေးတွေကိုပါ ဝေမျှချင်ပါတယ်။

၁။ System မရှိခြင်း။

၂။ ဘယ်သူ့အဖေခေါ်ရမှန်း မသိခြင်း။

၃။ အချင်းချင်း ပြိုင်နေကြခြင်း။

၎။ မိသားစုဝင်ကို အလုပ်ထုတ်မရခြင်း။

၅။ တိကျသေချာတဲ့ စည်းမျဉ်းစည်းကမ်း သတ်မှတ်ထားတာ မရှိခြင်း။

၆။ တာဝန်ယူမှု/ တာဝန်ခံမှုမရှိခြင်း။

၇။ အုပ်စုကွဲနေတတ်ခြင်း။

၈။ တွက်ကပ်နေတတ်ခြင်း။

၉ ။ ငွေကို စည်းကမ်းမရှိပဲ ယူသုံးနေတတ်ကြခြင်း။

၁၀။ စာရင်းဇယားသေချာမရှိလို့ အရှုံးအမြတ်သေချာမသိခြင်း။

၁၁။ ကုန်ပစ္စည်းကို အလွယ်တကူယူသုံးပြီး ပိုက်ဆံမရှင်းခြင်း။

၁၂။ တစ်ယောက်တစ်ပေါက်ဖြစ်နေခြင်း။

၁၃။ ဘယ်သူက ဘယ်သူ့အောက်မှာမှန်း မသိခြင်း။

၁၄။ Generation Gap ဖြစ်ခြင်း သို့မဟုတ် အတွေးအခေါ်အယူအဆ မတူခြင်း။

၁၅။ အရည်အသွေးမမှီတဲ့ မိသားစုဝင်တွေကို အလုပ်ပေးထားခြင်း။

၁၆။ နှစ်ဖက်ဆွေမျိုးတွေကို အလုပ်ပေးထားပြီး ၂ စုကွဲကာ ပြိုင်နေကြခြင်း။

၁၇။ လူကြီးက လူငယ်ကို နေရာမပေးခြင်း သို့မဟုတ် လုပ်ပိုင်ခွင့်မပေးခြင်း။

၁၈။ အိမ်ထောင်ဖက်မှ မဆိုင်သည့်နေရာတွေ ၀င်ရောက်စွက်ဖက်ခြင်း။

၁၉။ အချို့သောသူတွေမှ တစ်ကွင်းလုံးပတ်ကန်နေရခြင်း။

၂၀။ အားနာတတ်ခြင်း၊ မပြတ်သားခြင်း။

၂၁။ စည်းကမ်းစည်းကမ်းသတ်မှတ်သော်လည်း ကိုယ်တိုင်က မလိုက်နာခြင်း။

၂၂။ ဖြစ်ချင်တာဖြစ်ပါစေ၊ ထိုင်ကြည့်နေခြင်း။

၂၃။ မိသားစု ပြဿနာက လုပ်ငန်းပြဿနာ၊ လုပ်ငန်းပြဿနာက မိသာစု ပြဿနာ ဖြစ်လာခြင်း၊

၂၄။ လုပ်ငန်းတွင် ပြဿနာတက်နိုင်သည်ကို သိသော်လည်း မိသားစု အဆင်မပြေမည်စိုးသဖြင့်း မဖြေရှင်းပဲ ထားခြင်း။

အဆင်မပြေမှုတွေက ဆက်ရေးရင် ကုန်နိုင်မှာ မဟုတ်ပေမယ့် အထက်မှာ ဖော်ပြခဲ့တဲ့ စာရင်းတွေကတော့ အဓိကဖြစ်နေတဲ့ စိန်ခေါ်မှုတွေ ဖြစ်ပါတယ်။

PBCA ရဲ့ Member Workshop မှာ ကျွန်တော်ရှင်းပြဖြစ်တဲ့ မိသားစုလုပ်ငန်း စိန်ခေါ်မှုတွေကတော့

၁။ မိသားစုပြဿနာများမှ လုပ်ငန်းအပေါ် သက်ရောက်နိုင်ခြင်း။

၂။ စနစ်တကျ စီမံခန့်ခွဲမှု ပုံစံ မသတ်မှတ်ထားခြင်း။

၃။ စီမံခန့်ခွဲမှုပေါ်လစီများ မရှိခြင်း။

၎။ ချရေးထားတဲ့ လုပ်ထုံးလုပ်နည်းများ မရှိခြင်း။

၅။ မိသားစုဝင်များကို မဖြစ်မနေ အလုပ်ပေးထားရခြင်း။

၆။ မိသားစုဝင်များကို သူ့အလုပ်ကနေ ဖယ်ရှားဖို့ မလွယ်ကူခြင်း။

၇။ လိုအပ်သည့် သင်တန်းများ မတက်ကြခြင်း။

၈။ ပြင်ပအတွေ့အကြုံ မရှိခြင်း။

၉။ မိသားစုဝင်မဟုတ်သည့် ၀န်ထမ်းများအနေဖြင့် အလုပ်လုပ်ရာတွင် ကြားညှပ်တတ်ခြင်း။

၁၀။ ပြင်ပမှ အတွေ့အကြုံရှိသူ၏ အမြင်ကို ရယူမှု မရှိခြင်း။

၁၁။ ဆက်ခံသူရွေးချယ်ခြင်း သို့မဟုတ် လုပ်ငန်းမှ နှုတ်ထွက်မည့် အစီအစဉ် မရှိခြင်း။

၁၂။ ဆုံးဖြတ်ချက်ချမှတ်ရာတွင် သတ်မှတ်ထားသော လုပ်ငန်းစဉ် မရှိခြင်း။

၁၃။ စီးပွားရေး လုပ်ငန်း မအောင်မြင်ပါက မိသားစု စည်းလုံးညီညွတ်မှု ထိခိုက်တတ်ခြင်း စသည်တို့ ဖြစ်ပါတယ်။

 

ဒီအချက်တွေတော်တော်များများဟာ ကျွန်တော်တို့ မြန်မာနိုင်ငံတွင်းမှာ မိသားစုလုပ်ငန်းတော်တော်များများမှာ ရင်ဆိုင်နေရနိုင်တဲ့ အခက်အခဲများ ဖြစ်ပါတယ်။

ဆရာကြီး ဒေါက်တာအောင်ထွန်းသက်နဲ့ ကျွန်တော် ဒီအကြောင်းကို ဆွေးနွေးဖြစ်တုန်းကတော့ ဆရာကြီးက

ဒါဟာ မိသားစုလုပ်ငန်း ပြဿနာ မဟုတ်ပဲ Ownership နဲ့ Management မကွဲပြားတဲ့ပြဿနာလို့ သူမြင်ကြောင်း ပြောပြဖူးပါတယ်။

အခုဆက်လက်ပြီး မိသားစုလုပ်ငန်းတွေအနေနဲ့ စနစ်တကျ ဦးဆောင်မှုပေးပြီး လုပ်ငန်းကို တိုးတက်လာအောင် လုပ်ဆောင်သင့်တဲ့ အချက်အချို့ကို မျှဝေချင်ပါတယ်။

- မိသားစုဝင်များအကြား မိသားစုဆက်ဆံရေးနဲ့ လုပ်ငန်းဆက်ဆံရေးကို ရှင်းရှင်းလင်းလင်း ခွဲခြားထားရန်။

- လုပ်ငန်းတွင် လိုက်နာရမည့် စည်းကမ်းများ၊ လုပ်ထုံးလုပ်နည်းများကို ကျွမ်းကျင်သူများ အကူအညီဖြင့် သတ်မှတ်ရန်။

- လုပ်ငန်းဖွဲ့စည်းပုံ၊ တာဝန်နှင့် ၀တ္တရားများ သတ်မှတ်၍ တာဝန်ခွဲဝေရန် (ဒီနေရာမှာ လိုအပ်ပါက Professional HR Consultant များရဲ့ အကူအညီ လိုအပ်လာမှာ ဖြစ်ပါတယ်။)

- အစည်းအဝေးများ၊ အစီရင်ခံစာများအပါအ၀င် ဆင့်ကဲ ဆင့်ကဲ တင်ပြသည့်ပုံစံအား Company လုပ်ငန်းများအတိုင်း သတ်မှတ်ရန်။

- ဒါဟာ စီးပွားရေးလုပ်ငန်း လုပ်နေတာ ဖြစ်တယ်ဆိုတာကို မိသားစုဝင်တိုင်း မမေ့စေရန် (စိတ်ကောက်၊ ရန်ဖြစ်နေ၍ မရပါ။ လုပ်လေလေ လုပ်ငန်းထိခိုက်လေလေ ဖြစ်နေမှာပါ။)

- မိသားစုဝင်တစ်ယောက်တည်းကို လုပ်ငန်းတာဝန်အများကြီး စုပြုံပေးထားခြင်းကို ရှောင်ကြဉ်ရန်။

- အရည်အချင်း ပြည့်မှီသော မိသားစုဝင်ကိုသာ အလုပ်ပေးရန်၊ အရည်အချင်း မပြည့်မီသူအား အလုပ်မပေးရန်။

- ဖွဲ့စည်းပုံအရ မည်သူက မည်သူ့အောက်မှာဆိုသည့် Chain of Command ကို သေချာသတ်မှတ်ရန်

(အရေးပေါ် အခြေအနေမှ လွဲ၍ ဟိုကျော်ပြော၊ ဒီကျော်ပြော မလုပ်ကြရန်)

- လုပ်ငန်းတွင် ရှိသည့် အရေးကြီးရာထူးများအားလုံးတွင် ဆက်ခံသူရွေးချယ်သည့် အစီအစဉ် Succession Planning များ ရေးဆွဲရန် သို့မဟုတ်

လုပ်ငန်းကို အဓိကဦးဆောင်နေသူများမှ လုပ်ငန်းမှ မည်သို့ထွက်ခွာမည်ဆိုသည့် အစီအစဉ်ကို ရေးဆွဲရန်။

- ငယ်ရွယ်သော မိသားစုဝင်များအား မိသားစုလုပ်ငန်းတွင် တန်းပြီး အလုပ်ပေးခြင်းထက် ပြင်ပလုပ်ငန်းများတွင် အလုပ်ဝင်ရောက်လုပ်ကိုင်စေပြီး အတွေ့အကြုံများ၊ အသိပညာများ ရယူစေရန်

- ပြင်ပမှာ ကျွမ်းကျင်သည့် Coach များ၊ Consultant များ ငှားရမ်း၍ လစဉ်တွေ့ဆုံဆွေးနွေးရန်။

ဒီအချက်တွေဟာ လိုအပ်သမျှ အကုန်မပြည့်စုံနိုင်သေးပေမယ့် မြန်မာနိုင်ငံမှာ လက်ရှိ မိသားစုလုပ်ငန်းများကို လုပ်ကိုင်နေသော မိသားစုဝင်များ၊

လုပ်ငန်းရှင်များအား အတိုင်းအတာတစ်ခု အထောက်အပံ့ဖြစ်စေနိုင်မယ်လို့ ယုံကြည်ပါတယ်။

အချင်းချင်း စည်းစည်းလုံးလုံးနဲ့ လူကြီးကလည်း လူငယ်ကို နေရာပေးပြီး လူငယ်ကလည်း လူကြီးကို လေးစားပြီး

ပိုမိုအောင်မြင်သော လုပ်ငန်းများကို ထူထောင်နိုင်ပါစေကြောင်း ဆုတောင်းပေးလိုက်ပါတယ်နော်...

Recommended for you-ရွဲကုန်သည်ဇာတ်တော်မှ ရရှိနိုင်တဲ့ Marketing သင်ခန်းများ

Credit; naingwinaung

Read times
Rate this item
(1 Vote)