-->
×

Warning

JUser: :_load: Unable to load user with ID: 29


ကျောင်းတက်နေတဲ့ လူငယ်တွေအတွက် စီးပွားရေးလုပ်ငန်းရှင် ဖြစ်ဖို့ဆိုရင်

ကျောင်းတက်နေတဲ့ လူငယ်တွေအတွက် စီးပွားရေးလုပ်ငန်းရှင် ဖြစ်ဖို့ဆိုရင် Google

လူငယ်တွေအနေနဲ့ လုပ်ငန်းရှင်ဖြစ်ဖို့က လက်ရှိအလုပ်ကနေထွက်၊ ကိုယ်ပိုင်လုပ်ငန်းထူထောင်ဆိုတဲ့ အဆင့်နှစ်ခုပဲရှိပါတယ်။

ဒီလိုသာ လွယ်ကူနေမယ်ဆိုရင် ၀န်ထမ်းတွေတောင် ရှိတော့မှာမဟုတ်ပါဘူး။ ဒီထက်တော့ ရှုပ်ထွေးပါတယ်။ ဒါကြောင့် လူငယ်တွေအတွက် ကိုယ်ပိုင်စီးပွားရေး လုပ်ချငသူတွေအတွက် ဘယ်လိုတွေလုပ်ဆောင်သင့်တယ်ဆိုတာကို ဖော်ပြပေးလိုက်ပါတယ်။

၁။ ကိုယ်ချစ်မြတ်နိုးတာကို လုပ်ပါ

အောင်မြင်တဲ့ စီးပွားရေးလုပ်ငန်း တစ်ခုစတင်ဖို့အတွက် အခြေခံကျတဲ့ အချက်တစ်ခု ကိုယ်စိတ်ဝင်စားတဲ့၊ ချစ်မြတ်နိုးတဲ့ လုပ်ငန်းတစ်ခုဖြစ်ဖို့လိုပါတယ်။ ကိုယ်စိတ်ဝင်စားတဲ့ အကြောင်းအရာနဲ့ ကိုယ်လုပ်မယ့် စီးပွားရေးလုပ်ငန်း ကိုက်ညီဖို့လိုပါတယ်။

၂။ ကိုယ်လိုချင်တာကို သိပါ

ကျောင်းပညာရေးကို ရပ်တန့်ပြီးတော့ ကိုယ်ပိုင်စီးပွားရေးလုပ်ငန်းတစ်ခု စတင်ဖို့ ဆန္ဒရှိတယ်ဆိုရင် ဦးစားပေးလုပ်ရမယ့် ကိစ္စတွေနဲ့ လိုအပ်တဲ့ အချိန်တွေကို တွက်ချက်နိုင်ဖို့ မေးခွန်းတွေ ကိုယ့်ကိုယ်ကို မေးပြီး ပြန်ဖြေကြည့်ပါ။

၃။ ပြုပြင် ပြောင်းလဲပါ

ဆယ်ကျော်သက်အရွယ် အနှောင်းပိုင်း အရွယ်နဲ့ ၂၀ ကျော်အရွယ်တွေမှာ အတွေးတွေဟာ လန်းဆန်းပါတယ်။ ဘယ်သူမှ မလုပ်သေးတဲ့ အလုပ်တစ်ခုကြောင့်ဆိုပြီး စတင်ဖို့ မစိုးရိမ်ပါနဲ့၊ ဈေးကွက်ထဲမှာ ရှိပြီးသား လုပ်ငန်းတစ်ခု ဒါမှမဟုတ် ကုန်ပစ္စည်းတစ်ခုကို လိုအပ်သလို ပြောင်းလဲပြီး (ဝန်ဆောင်မှု ပုံစံမတူညီတာမျိုး၊ ဖြန့််ချီရေးစနစ် မတူညီတာမျိုး စသည်ဖြင့်ပေါ့) တော့ စတင်တည်ဆောက်လိုက်ပါ။

၎။ ဥပေဒတွေကိုတော့ လိုက်နာပါ

လူငယ် စွန့်ဦးတီထွင် လုပ်ငန်းရှင်တစ်ယောက်အနေနဲ့ လုပ်ငန်းမှတ်ပုံတင်ကြေး ကင်းလွတ်ချင်တာမျိုး၊ အခွန်ရှောင်တာမျိုးတွေတော့ မလုပ်ပါနဲ့။ ဥပဒေနဲ့ အညီ လုပ်ကိုင်ခြင်းက နောက်ပိုင်းမှာ ဖြစ်လာနိုင်တဲ့ တရားဥပဒေကြောင်းဆိုင်ရာ ပြဿနာတွေ၊ ဒေသဆိုင်ရာ အာဏာပိုင်တွေနဲ့ ပတ်သက်တဲ့ ပြဿနာတွေကို ကာကွယ်နိုင်ပါလိမ့်မယ်။

ကမ္ဘာကျော် Toyota ကားကုမ္ပဏီ အောင်မြင်လာရခြင်းရဲ့ နည်းဗျူဟာများ

၅။ အချိန်ကို စီမံခန့်ခွဲပါ

ကိုယ်ပိုင်လုပ်ငန်းလုပ်ရင်းနဲ့ ကျောင်းလည်း ဆက်တက်နေတယ်ဆိုတာ တကယ်တော့ စိတ်ဖိစီးမှုတွေ များပြီး အခက်အခဲတွေ အများကြီးရှိပါတယ်။ ကျောင်းသားတစ်ယောက် အနေနဲ့ရော လူငယ်လုပ်ငန်းရှင် တစ်ယောက် အနေနဲ့ပါ သက်ဆိုင်ရာ ကဏ္ဍအလိုက်ခွဲခြားပြီးတော့ ကိုယ်ကဘာတွေလုပ်ဖို့ လိုအပ်လဲ ဆိုတာကို နားလည်ပါ။ အချိန်တိုတိုနဲ့ လိုအပ်ချက်တွေကို စီစဉ်ဆောင်ရွက်နိုင်ဖို့ လိုအပ်တဲ့ နည်းပညာတွေ၊ software တွေကို အသုံးပြုပါ။

၆။ ကျောင်းကရတဲ့ သင်ခန်းစာတွေကို လက်တွေ့အသုံးချပါ

ကျောင်းသားတစ်ယောက် ဖြစ်နေတာ စီးပွားရေးလုပ်ငန်းမှာ အနှာက်အယှက်တစ်ခုတော့ မဟုတ်ပါဘူး၊ အမှန်တော့ ကျောင်းသားတစ်ယောက်ဖြစ်နေတာကိုက စီးပွားရေးလုပ်ငန်းမှာ အကျိုးကျေးဇူးတွေ ရရှိနိုင်ပါတယ်။ ကိုယ့်ရဲ့လုပ်ငန်းအတွက် လိုအပ်တဲ့ အဆက်အသွယ်၊ အကြံအဉာဏ်တွေ ကိုယ့်လုပ်ငန်းကို ကူညီပေးနိုင်တဲ့ သူငယ်ချင်း၊ အပေါင်းအသင်းတွေ ရရှိနိုင်သလို ကိုယ့်ရဲ့ ဆရာသမားတွေဆီက အတွေ့အကြုံတွေ၊ အတွေးအခေါ်တွေ၊ လမ်းညွှန်မှုတွေလည်း ရနိုင်ပါတယ်။ အဲဒီလို ပတ်ဝန်းကျင်က ရရှိတဲ့ အကြံဉာဏ်၊ အတွေ့အကြုံ၊ အတွေးအခေါ်တွေကို လက်တွေ့ အသုံးချနိုင်ပါစေ။

၇။ ဆရာကောင်းကို ရှာဖွေပါ

ကိုယ့်ပတ်ဝန်းကျင်မှာ ရှိတဲ့ စွန့်ဦးတီထွင်လုပ်ငန်းရှင် ဒါမှမဟုတ် စီးပွားရေးအရ အောင်မြင်မှုတွေ ရရှိထား တဲ့သူတွေကိုရှာဖွေပြီး ကိုယ့်ရဲ့ အသေးစားလုပ်ငန်းမှာ လမ်းညွှန်မှုပေးနိုင်အောင် ပေါင်းသင်းပြီး ဆရာတင်ပါ။ ဆရာကောင်းတွေက ကိုယ့်ရဲ့စီးပွားရေးလုပ်ငန်းနဲ့ပတ်သက်တဲ့ စွန့်စားရမယ့် ကိစ္စတွေ၊ စိန်ခေါ်မှုတွေ အတွက် အကူအညီ၊ လမ်းညွှန်မှုတွေ ပေးနိုင်ပါတယ်။ ဒါတင်မက ကိုယ့်ရဲ့လုပ်ငန်းမှာ ပါဝင် ရင်းနှီးမြှပ်နှံ မယ့်သူတွေ ကို ရှာဖွေပေးနိုင်သလို အကြံဉာဏ်တွေလည်း ပေးနိုင်ပါတယ်။

၈။ အင်တာနက်ကို အသုံးချပါ

ကိုယ့်ရဲ့ ကွန်ပျူတာကနေ အင်တာနက်ကို အသုံးပြုပြီးတော့ ကမ္ဘာအနှံ့အပြားမှာ ရှိနေကြတဲ့ စွန့်ဦးတီထွင် လူငယ်လုပ်ငန်းရှင်တွေနဲ့ ဆက်သွယ်နိုင်ပါတယ်။ သူတို့ရဲ့ နည်းလမ်းတွေကို အတုယူပါ၊ သူတို့တစ်တွေက စိတ်ဓါတ်ခွန်အားတွေ၊ အတုယူစရာ လမ်းညွှန်ချက်တွေ၊ အလုပ်လုပ်ဖို့ တွန်းအားတွေကို ပေးပါလိမ့်မယ်။

စွန့်ဦးတီထွင်လုပ်ငန်းရှင်များ လုပ်ငန်းစတင်ဖို့ အခက်အခဲတွေရှိနေတယ်ဆိုရင်

၉။ ကိုယ့်ကိုကိုယ် အကောင်းဆုံးဖြစ်ပါစေ

အလုပ်လုပ်ချင် စိတ်တွေ၊ တီထွင်ဖန်တီးချင်စိတ်တွေ၊ customer တွေကို အကောင်းဆုံးဘယ်လို ဝန်ဆောင်မှုပေးမယ် ဆိုတာတွေကို နေ့စဉ်နဲ့အမျှ ကိုယ့်ရဲ့စိတ်ထဲမှာ စိမ့်ဝင်နေပါစေ။ အလုပ်တွေ အရမ်းများလို့ ဦးနှောက်တွေရှုပ်လာတဲ့အခါ လေ့ကျင့်ခန်းတစ်ခုခု လုပ်တာမျိုးဖြစ်ဖြစ်၊ သူငယ်ချင်းတွေနဲ့ တွေ့ပြီး ရှေးဟောင်းနှောင်းဖြစ်တွေ ပြောပြီး ပေါ့ပါ့ပါးပါး ရီမောလိုက်တာပဲ ဖြစ်ဖြစ် စိတ်ဓါတ်ခွန်အား ဖြည့်ပေးမဲ့ ဟောပြောပွဲတွေ တက်ရောက်တာ၊ စာအုပ်တွေဖတ်တာ တနည်းနည်း နဲ့ စိတ်ဖိစီးမှုကို ဖြေဖျောက်လိုက်ပါ။ ကိုယ့်ရဲ့ လုပ်ငန်းတာဝန်တွေနဲ့ အနားယူတာတွေကို မျှတအောင် လုပ်ဆောင်ပြီး အမြဲတမ်း တက်တက်ကြွကြွ လန်းလန်းဆန်းဆန်းနဲ့ စွမ်းဆောင်ရည် ကောင်းတွေ ပိုင်ဆိုင်ပါစေ။

၁၀။ ကိုယ့်ရဲ့ စိတ်ကို သုံးသပ်ပါ

စွန့်ဦးတီထွင် လူငယ်လုပ်ငန်းရှင်တွေမှာဟာ အင်တာနက်မှာ တွေ့ရတဲ့ လူငယ်သန်းကြွယ် သူဋ္ဌေးတွေ၊ ချမ်းသာ ကြွယ်ဝသူတွေကို ကြည့်ရင်း ကိုယ့်ကိုယ်ကို စိတ်အားငယ်တာတွေ ဖြစ်တတ်ပါတယ်။ အဲဒီလို အဖြစ်အပျက်တွေဟာ လူငယ်တွေကို ယုံကြည်ချက်တွေ နည်ပါးစေပြီး နောက်ထပ်လုပ်ငန်းတစ်ခုကို စတင်ဖို့နောက်တွန့်သွားတာ တွေမျိုး ဖြစ်တတ်ပါတယ်။ အဲဒီလိုဖြစ်လာပြီဆိုရင် “ငါ့ကိုယ့်ငါပဲ ပြိုင်ရမယ်၊ တစ်ခြားသူနဲ့ ပြိုင်စရာမလိုဘူး” ကိုယ့်ကိုယ်ကို သတိပေးပါ။ နောက်ဆုံးအချက်တစ်ခုက ကိုယ့်ရဲ့ ကျောင်းသားဘဝဟာ စွန့်ဦးတီထွင်လူငယ်လုပ်ငန်းရှင် ဖြစ်ဖို့ အခွင့်အလမ်းတွေနဲ့ ကိုယ့်ကိုယ်ကို ရင့်ကျင်လာအောင် ကြိုးစားအားထုတ်ရပါမယ်။ ငယ်ရွယ်စဉ်မှာ ရှိတဲ့ နုပျို၊ လန်းဆန်း တက်ကြွမှုတွေ၊ လုပ်ချင်ကိုင်ချင် စိတ်တွေ၊ လိုအပ်တဲ့ အရင်းအမြစ်တွေ ဘယ်တော့မှ ပြန်မရနိုင်တော့ပါဘူး၊ ဒါကြောင့် ကိုယ်ချစ်မြတ်နိုးတဲ့ လုပ်ငန်းကို ရဲရဲဝံ့ဝံ့ စတင်လိုက်ပါ။

Source; အောင်ကိုဦး(UMK)
Myanmar Advertising Directory

 

Read times
Rate this item
(1 Vote)