-->


တစ်နေ့ကို ဝင်ငွေတစ်သိန်းဝင်နိုင်မယ်ဆို သင်ယုံမလား?

တစ်နေ့ကို ဝင်ငွေတစ်သိန်းဝင်နိုင်မယ်ဆို သင်ယုံမလား? google.com

“မင့် ဟုတ်မှလည်းလုပ်ပါကွာ၊ တစ်နေ့ငွေတစ်သိန်းဆိုတာ ဖြစ်နိုင်ပါ့မလားကွ”မိမိပြောစကားအပေါ်စိုက်ပျိုးရေးမိတ်ဆွေ အစ်ကိုကြီးတစ်ဦး၏ စူးစမ်းသံဖြစ်၏။

သူ့အသံတွင်မယုံတစ်ဝက်၊ယုံတစ်ဝက်ဖြစ်နေသည်ကို မှန်းဆနိုင်သကဲ့သို့ သူ့မျက်နှာပေါ်တွင်လည်းအားတက်သည့်အမူအယာ အပိုင်းအစကိုတွေ့မြင်နေရ၏။

မိမိအနေဖြင့်ထိုစကားမှာ ဟုတ်မှန်ကြောင်း၊ လက်တွေ့လုပ်ကိုင်နေကြသည့် အသိုင်းအဝိုင်းမှသယ်ဆောင် လာသည်ဖြစ်၍ သံသယဖြစ်ရန်မလိုကြောင်း ရှင်းလင်းတင်ပြလိုက်၏။

ထိုအခါမှ “ငါ့အဖို့ကတော့ကွာ တစ်နေ့တစ်သိန်းမဟုတ်ပါဘူး၊

တစ်နေ့တစ်သောင်း ရတယ်ဆိုလည်းကျေနပ်တယ်မောင်” ဟု သူ၏ အနိမ့်ဆုံး တစ်နေ့တာလျာထားဝင်ငွေကို ဖွင့်ဟလေတော့၏။

“ဒါဆို ဒီလိုလုပ်ကွာ၊ မင်း ပြောတဲ့နေရာကိုသွား၊ ပျိုးပင်ဘယ်မှာရမယ်၊ဘယ်လိုစိုက်ပျိုး ပြုစုရတယ်၊

ဘယ်လို ထုတ်လုပ်ရတယ်ဆိုတာတွေကို ကိုယ်တိုင်သွားလေ့လာပြီး ဓာတ်ပုံရိုက်ခဲ့၊

ပြီးရင် မင်းပြောတဲ့အကျိုးအမြတ်ဆိုတာနဲ့ ဈေးကွက်အခြေအနေတွေကိုပါစုံစမ်းပေး”ဟုပင် အားတက်သရောတိုက်တွန်းနေပါတော့တယ်။

မိမိအနေဖြင့်လည်း ကိုယ်တင်ပြသည့် ကိစ္စကို စိတ်ဝင်စားမှုတွေ့ရသည်ကတစ်ကြောင်း၊

ကိုယ်တိုင်သွားရောက်လေ့လာ လိုသည်ကတစ်ကြောင်း၊ ထိုနှစ်ကြောင်းမျှဖြင့် ဤလေ့လာရေးခရီးကိုစတင်ဖြစ်ခဲ့ပါတယ်။

ဤလေ့လာရေးခရီးကို လျှော်ဖြူ (ခေါ်)ဆေးကုလားမ စိုက်ပျိုးထုတ်လုပ်ရေး လုပ်ငန်းခွင်လေ့လာရေးခရီးဟု ဆိုကြပါစို့။

နေပြည်တော်မှမန္တလေး၊ ထိုမှပုဂံပြည့်ရှင် အနော်ရထာမင်း၏ မိဖုရားစောမွန်လှ၏ကောင်းမှုတော် ရွှေစာရံဘုရားတည်ရှိရာ အုန်းချောရွာ၊

ထိုမှတဆင့် ဆည်တော်လေးရွာကိုကျော်လိုက်သည်နှင့် လေ့လာရန် ချိန်းဆိုထားပြီးဖြစ်သည့် ခြံသို့ဆိုက်မြိုက်စွာရောက်ခဲ့လေ၏။

ဆည်တော်လေးရွာ ကျော်သည်နှင့် သရက်ခြံ၊ ဆီးခြံဟူသည့်ဥယျာဉ်ခြံကြီးများကို အားကျဖွယ်တွေ့ရ၏။

ထိုခြံတို့ကိုကြည့်ရင်း စိုက်ပျိုးရေးဝါသနာပါသည်ဆိုသူတို့သည် ကိုယ်အားသန်သည့် အပင်တို့ကိုသာရွေးချယ်စိုက်ပျိုးခဲ့ကြသည်ဟူသည့် အသိကိုရလိုက်၏။

မည်သည့်အပင်မျိုးကိုစိုက်ပျိုးခဲ့ကြသည်ဖြစ်စေ ကာလတစ်ခုကိုသည်းခံဖြတ်ကျော်ပြီးချိန်တွင်သီးချိန်ပွင့်ချိန်ဆိုသည်ကို

မျက်မှောက်ပြုကြရသည်ဆိုသည့်အတွေးစကိုလည်း ဆုပ်ကိုင်မိသလိုဖြစ်၍ မိမိလုပ်ကိုင်ထားသည်များအပေါ် အားတက်မိပြန်၏။

ကြိုတင်ချိန်းဆိုထားသည်ဖြစ်၍ ခြံရှင်မှာ ဝတ်ကောင်းစားလှတို့ဝတ်ဆင်လျက် အဖန်ရည်နှင့် မြည်းဖွယ်ရာတို့နှင့်ကြိုလင့်၏။

သို့ရာတွင် ထိုခြံရှင်နှင့် မိမိတို့မှာယခင်ကရင်းနှီးကျွမ်းဝင်သူများမဟုတ်ကြ၊ ဤလုပ်ငန်းဆောင်ရွက်နေသည့်

ညီငယ်တစ်ဦး၏ကြိုတင်ညှိနှိုင်းမိတ်ဆက်ပေးမှုကြောင့်သာ ရောက်လာရခြင်းဖြစ်၏။သို့အတွက်တွေ့စတွင် ခြံရှင်၏မျက်နှာမှာ အိုးတိုးအမ်းတမ်းဖြစ်နေလေ၏။

စကားပြောကြရင်းဖြင့်စိုက်ပျိုးရေးသမားအချင်းချင်းရင်းနှီးသွားကြ၏။ထိုအခါမှလျှော်ဖြူ စိုက်ခင်းအတွင်း ဝင်ရောက်လေ့လာလိုကြောင်း၊

သိလိုသည်များကို မေးမြန်းလိုကြောင်း၊ လေ့လာမှုမှတ်တမ်းဓာတ်ပုံရိုက်ခွင့်ပြုစေလိုကြောင်း စကားလမ်းခင်းရင်းနှစ်ယောက်သား ခြံအတွင်းလှည့်လည်လေ့လာဖြစ်ခဲ့လေ၏။

“ပင်ခြားစိပ်ပြီး တန်းခြားကျဲထားတဲ့ရည်ရွယ်ချက်ကလေးသိပါရစေ” လျှော်ဖြူပင်တို့၏ အစိပ်အကျဲကိုကြည့်၍ မိမိမှဤသို့ စကားဦးသန်းလိုက်၏။

မည်သည့်ရည်ရွယ်ချက်မျှမရှိကြောင်း၊ ယခင်က ဘရာဇီးငှက်ပျောကို ပင်ခြား ၉ ပေ၊တန်းခြား ၂၀ ပေစိုက်ခဲ့ရာက

ငှက်ပျောပင်များကြားတွင် လျှော်ဖြူပင်များကို တစ်ပင်ခြားစိုက်ခဲ့သဖြင့် ယခုကဲ့သို့ပင်ခြားစိပ်ပြီးတန်းခြားကျဲနေတာဖြစ်ကြောင်းရှင်းပြ၏။

ငှက်ပျောပင်တို့ကားမရှိတော့၊ ၂ နှစ်အကြာတွင်လျှောဖြူပင်တို့က ဖုံးလွှမ်းသွားသဖြင့်ရှင်းပစ်ခဲ့ခြင်းဖြစ်ကြာင်းသိရ၏။

1529456434 5b29a732855ad

 

ဤသို့ပင်ခြားစိပ်သဖြင့် အပင်တို့၏ သဘာဝအတိုင်းအလင်းလုခဲ့ကြရာက ဘေးကိုင်းဖြာမှုနည်း၍ ပင်ဖြောင့်များအဖြစ်တွေ့ရ၏။

ခြံအတွင်းရှိ ၇ နှစ်သားအရွယ် ဒေသမျိုးအပင် ၄၅၀ မှာ ပင်စည်လုံးပတ်ပျမ်းမျှ ၃ ပေခန့်ရှိနေပြီဖြစ်၏။

၂၀၁၆ ခုနှစ်၊ ၆ နှစ်သားအရွယ်တွင် အစေးစတင်ထုတ်လုပ်ခဲ့ရာ မတ်လမှ နိုဝင်ဘာလအထိ အစေးထုတ်ရာသီ ၉ လအတွင်း တစ်ရက်ခြားအစေးထုတ်ခဲ့ရာ

ရောင်းရငွေ ကျပ် သိန်း ၃၀၀ ကျော်ရရှိခဲ့ကြောင်း ခြံရှင်က သွားရင်းလာရင်းပြောပြလေ၏။

Screenshot from 2018 09 11 09 44 14

 

ယခင်ထိုစကားကို တဆင့်ကြားဖြင့် သိခဲ့ရခြင်းသာဖြစ်ပြီး ယခုမူကား ခြံရှင်ကိုယ်တိုင်ပြောကြားသည့်စကားကို နားနှင့်ဆတ်ဆတ်ကြားနေရခြင်းဖြစ်၏။

သို့ရာတွင်မိမိအနေဖြင့် ထိုငွေကြေးပမာဏကို အပြောနှင့်မယုံနိုင်သေး၍ ဆက်လက်ဆွေနွေးခြင်းမပြုသေးဘဲ တေး၍ထားလိုက်၏။

စိုက်ခင်းအတွင်း အခြားစပ်စုရန်ကိစ္စများကားဒုနှင့်ဒေးရှိသေးသည်မဟုတ်ပါလော။

အပင်တိုင်းလိုလိုတွင် မြေပြင်၏အထက် ၃ပေခွဲခန့်မှအပေါ်သို့ ဆာလာအိတ် ဖြင့် ပင်စည်ကိုပတ်၍ ကြိုးချည်ထားသည်ကိုတွေ့ရ၏။

အကြောင်းမှာ ပင်စည်မှ အစေးယူရန်အပေါက်ဖောက်ထားသည့် နေရာများကို မိုးရေထိမှန်ခြင်းမရှိစေရန်နှင့် ထွက်ရှိလာသည့် အစေးသန့်ရှင်းစေရန်

အကာအကွယ်လုပ်ပေးထားခြင်းဖြစ်ကြောင်း သိရ၏။ခြံအတွင်း အမျိုးသမီး ၃ဦးက ပင်စည်ကိုပတ်ထားသည့် ဆာလာအိတ်များကိုဖယ်၍

အပေါက်များအတွင်းမှအစေးများကို လက်ဖြင့်ကော်ထုတ်ကာ စတီးလင်ဗန်းများ အတွင်းသို့ဖြန့်၍ ထည့်နေကြသည်ကိုတွေ့ရ၏။

ဤသို့ဖြန့်ထည့်ရင်း တစ်ဗန်းပြည့်လျင် နောက်တစ်ဗန်းသို့ပြောင်းထည့်၏။

ပြီးလျင် ထိုဗန်းလိုက်ပင် အမိုးအကာအောက်၌ အစေးအိပ်ရန်လေသလပ်ခံရန်သယ်ဆောင်သွားကြ၏။

မိန်းကလေး ၃ ဦးကရှေ့မှ ထိုသို့ပြုလုပ်သွားချိန်တွင် အမျိုးသား ၂ ဦးက နောက်မှ ဆောက်ခုံးတစ်လက်စီကိုင်၍ အစေးများထုတ်ယူသွားသည့် အပေါက်များကို မျက်နှာသစ်ပေးကြလေ၏။

ဤသည်ကိုလျှော်ဖြူသမားတို့က “မန်းပြင်ပေးသည်”ဟု ဆိုကြ၏။

အလွယ်ပြောရလျင် အခေါက်အတွင်းမှ အစေးများတစ်စိမ့်စိမ့်ထွက်နေစေရန် အပေါက်အတွင်းရှိ အခေါက်၏မျက်နှာပြင်ကို ဖွင့်ပေးသည့်သဘောဖြစ်လေ၏။

ထိုသို့ပြုလုပ်ရင်း ထွက်ပေါ်လာသည့် အညစ်အကြေးအမိုက်သရိုက်တို့ကို အဝတ်ဖြင့် သန့်ရှင်းရေးပြုလုပ်ပြီး ပင်စည်ကို ဆာလာအိတ်ဖြင့်ပြန်ပတ်ပေးကြ၏။

ဤသို့ အပင်အားလုံးကိုဆောင်ရွက်ပေးပြီးချိန်တွင် ထိုနေ့အတွက်အစေးထုတ်ခြင်းအလုပ် ပြီးစီးသည်ဟူသတည်း။

ဤနေရာတွင်လျှော်ဖြူပင်မှ အစေးထုတ်နည်း ၂ နည်းရှိကြောင်းကိုထည့်သွင်း ဖော်ပြလိုသေး၏။

အထက်တွင်တင်ပြခဲ့သည်မှာ ပင်စည်ကိုအပေါက်ဖောက်၍ ထုတ်ယူနည်းဖြစ်၏။

နောက်တစ်နည်းမှာ ပင်စည်နှင့် အကိုင်းကို ဓားဖြင့်ထစ်၍ အစေးယူနည်းဖြစ်၏။

စတင်စိုက်ပျိုးသည့်အချိန်တွင် ပင်ခြားတန်းခြားကို ၁၅ပေနှင့် အထက်ခြားထားပေးပါက ကိုင်းဖြာမှုအားကောင်းသဖြင့် ပင်စည်ကသာမက ကိုင်းများကပါအစေးထုတ်လုပ်နိုင်ကြောင်းသိရ၏။

ဓားထစ်အစေးထုတ်ရန်နေရာ ကျယ်ဝန်းစွာရနိုင်သည့် အခြေအနေကို မျှော်မှန်း၍ ဤသို့စိုက်ပျိုးကြကြောင်း သိရ၏။

မိမိလေ့လာခဲ့သည့်ခြံမှာ အပင်စိပ်သဖြင့် ကိုင်းဖြာမှုအားနည်းကာ ပင်စည်မှသာ အစေးထုတ်နိုင်သည့် အနေအထားဖြစ်ကြောင်းတွေ့ရ၏။

မည်သည့်နည်းဖြင့်ထုတ်သည်ဖြစ်စေ အစေးထွက်အားနည်းသွားပါက အစေးယူမည့်နေရာကို လွှဲပေးရ၏။

နေရာဟောင်းတွင်မန်းတက်၍ ပိတ်သွား သော်လည်း ထိုနေရာဟောင်းကို ၂နှစ်ကြာမှသာ ဓားထစ်ခြင်း၊အပေါက်ဖောက်ခြင်း ပြုရသည်ဆို၏။

သို့မဟုတ်လျင် ထွက်ရှိလာသည့်အစေးမှာ အရောင်နောက်တတ်သည်ဟုသိရ၏။

အပေါက်ဖောက်ရာတွင် တစ်ပင်လျှင် ငါးမူးစေ့အရွယ် အပေါက် ၃ ပေါက်ကို တစ်ပေခြားဖြင့် အတွင်းသားထိရုံဖောက်ရ၏။

အပေါက်လွှဲသည့်အခါ ယခင်ဖောက်ထားသည့် တစ်ပေခြား၏ အလယ်တည့်တည့်မှဖောက်ရသည်ဆို၏။

နေရာလွဲသွားသော်လည်း အကွာအဝေးတစ်ပေခြားမှာပြောင်းလည်းမှုမရှိပေ။

ဤသို့ဖြင့် ခြံအတွင်းလှည့်လည်၍ ခြံရှင်းအားသိလိုသည်များကိုမေးခဲ့၏။

ခြံရှင်ကလည်း တကယ်လုပ်တော့မည့်သူဟု သုံးသပ်မိဟန်တူ၏။

မေးသမျှကိုစိတ်ရှည်လက်ရှည် ပြန်လည်ဖြေကြားနေလေတော့သတည်း။

သွားရောက်လေ့လာခိုင်းသူအား အထောက်အထားနှင့်တင်ပြနိုင်ရန် ဓာတ်ပုံများလည်းရိုက်ဖြစ်၏။

ဤနေရာတွင် တင်ပြရန်ကျန်နေသေးသည်မှာ မျိုးကိစ္စနှင့် စိုက်ပျိုးပြုစုပုံဖြစ်၏။

ခြံအတွင်းစိုက်ပျိုးထားသည်မှာ ဒေသမျိုးများဖြစ်ကြောင်းတင်ပြခဲ့ပြီးဖြစ်၏။

သို့ဖြစ်၍ စိုက်ပျိုးလိုသူများအဖို့ နိုင်ငံခြားမျိုးဆိုသည်ကို ရှာပုံတော်ဖွင့်နေရန်မလိုအပ်တော့ပေ။

လျှော်ဖြူလောကတွင် လူပြောများလျက်ရှိသည့် ရိုးစိမ်း၊ ရိုးနီကိစ္စကိုလည်း မေးဖြစ်ခဲ့သေး၏။

ရိုးစိမ်းကပိုထွက်သည့်အပင်လည်းရှိ၏။ရိုးနီက အထွက်ပိုသည် လည်းရှိ၏ဟုအဖြေရခဲ့၏။

ရိုးစိမ်း၊ ရိုးနီ ဒွိဟဖြစ်ကြသူများလည်းဤအဖြေကိုကြည့်၍ သင့်မြတ်သင့်ကြပေပြီ။

ပျိုးပင်အတွက်မျိုးစေ့ကို ခြံရှင်ကိုယ်တိုင် တစ်ပြည်လျင် ကျပ်တစ်သောင်းခွဲနှင့် ရောင်းပေးနေသည်ကိုတွေခဲ့ရ၏။

ဒီဇင်ဘာတွင် အပွင့်လိုက်၍ ဖေဖော်ဝါရီလတွင် မျိုးစေ့ရသည်ဆို၏။

ထိုအချိန်တွင် အစေးထုတ်လုပ်မှုရပ်နားပေးထား၏။

မျိုးခံပုံမှာ အသီးရင့်မည့်ချိန်တွင် အပင်အောက်၌ တာလပတ်စခင်းထား၍ အသီးမှကွဲကျ လာသည့်အစေ့ကိုခံယူထားသည်ဖြစ်၍

အပင်မပေါက်မှာမပူရဟူ၍ ဝယ်သူကိုညွှန်းနေလိုက်သေး၏။စိုက်ပျိုးပြုစုပုံအတွက်ဖြေကြားပုံမှာ စိုက်ပျိုးရေးသမား ပီသလှပေ၏။

အပင်တစ်မျိုးဖြစ်သည့်အတွက် အခြားသောအပင်များ စိုက်ပျိုးပြုစု သကဲ့သို့သာဆောင်ရွက်ပါဟူသတည်း။

ခြံအတွင်းလေ့လာရန်ရှိသည်များ စုံသလောက်ဖြစ်သည့်အချိန်တွင် ခြံရှင်က အစေးများအခြောက်ခံထားသည့် အဆောက်အအုံအတွင်းသို့ခေါ်ဆောင် ပြသလေ၏။

မိမိသွားရောက်လေ့လာချိန်တွင် ယခင်တစ်နေ့စာအခြောက်ခံပြီးဖြစ် သည့် လျှော်ဖြူ စေးခြောက် ၄ ပိဿာခန့်နှင့်

လေ့လာနေစဉ် ထုတ်ယူထားသည့် အစေးစိုများခွဲခြားထား သည်ကိုတွေ့ရ၏။

တစ်နေ့စာ အစေးခြောက်မည်မျှ ထုတ်လုပ်နိုင်သည်ကိုမေးမြန်းရာ အနည်းဆုံး ၃ပိဿာနှင့် အများဆုံး ၉ပိဿာ ရရှိကြောင်း ဖြေကြားလေ၏။

တစ်ရက်ခြားပျမ်းမျှ ၆ ပိဿာရ သည်ဟုဆို၏။

ထိုအချိန်တွင် ဤကိစ္စနှင့်ပတ်သက်၍ ဆက်ဆွေးနွေးခြင်းမပြုဘဲ တေးထားခဲ့သည်ကို ပြန်ဆက်ကြည့်မိတော့၏။

တယ်လီဖုန်းရှိဂဏန်းပေါင်းစက်ဖြင့် ကိန်းဂဏန်းတို့ကို ဖော်ပြထား သည့်အတိုင်း တွက်ချက်ကြည့်လေ၏။

အစေးထုတ်လုပ်သည့်ကာလ မတ်လမှနိုဝင်ဘာလအထိ လပေါင်း ၉ လ၊ရက်ပေါင်း ၉×၃၀=၂၇၀ ရက်၊

တစ်ရက်ခြားအစေးထုတ် သည်ဆိုသည့်အတွက် အစေးထုတ်ရက်ပေါင်း ၂၇၀÷၂=၁၃၅ရက်၊

တစ်ရာသီစာထွက်ရှိသည့် အစေးခြောက်အလေးချိန် ၁၃၅×၆ပိဿ(တစ်ရက်ပျမ်းမျှ)=၈၁၀ ပိဿာ၊

ယခင်နှစ်ခြံသို့လာရောက် ဝယ်ယူသည့်ဈေးနှုန်း တစ်ပိဿာ ၃၅၀၀၀ကျပ်၊ တစ်ရာသီစာရောင်းရငွေ၈၁၀ ပိဿာ×၃၅၀၀၀ကျပ်=၂၈၃၅၀၀၀၀ကျပ် ဟူသည့်အဖြေရလေ၏။

ထိုကိန်းဂဏန်းအရ လည်းကောင်း၊ ကိုယ်တိုင်မြင်တွေ့ခဲ့ရသည့် တစ်နေ့တာအစေးထုတ်လုပ်နိုင်မှုအရလည်းကောင်း

ယခင်ကြားထားခဲ့သည့် ဝင်ငွေပမာဏမှာ ခိုင်မာမှုရှိကြောင်း တထစ်ချယုံကြည်လိုက်တော့သတည်း။

ဤလေ့လာရေးခရီးစဉ်ကား ပျော်ရွှင်ဖွယ်အတိနှင့်ပြီးမြောက်ခဲ့လေ၏။

လေ့လာရေးခရီးဆိုသည်ထက် အပန်းဖြေခရီးဟုပင်ဆိုလိုက်ချင်သေး၏။ြ

ခံကျယ်ကျယ် ဥယျာဉ်ကြီးတစ်ခုအတွင်းရှိ မိမိထက်အသက်ကြီးသည့် ရွှေဟင်္သာသရက်ပင်ကြီးအောက်တွင် ထိုအပင်ကရရှိသည့်သရက်သီးမှည့်များဖြင့်

ဧည့်ခံရင်းပညာရပ်တစ်ခုကို လက်ဆင့်ကမ်းမျှဝေပေးခဲ့သည့် ထိုခြံရှင်၏ ကျေးဇူးကားကြီးမားလှပေစွ။

အပြန်ခရီးတွင် ဤခရီးကိုသွားဖြစ်ရန် စေ့ဆော်ပေးခဲ့သည့် ဝါသနာတူစိုက်ပျိုးရေးမိတ်ဆွေအစ်ကိုကြီးကိုချက်ကျလက်ကျ ပြန်လည်မျှဝေနိုင်ရန်တွေးတော နေမိ၏။

ထို့အတူ ကိုယ်တိုင်တွက်ချက်ကြည့်ခဲ့သည့် ကိန်းဂဏန်းများကလည်းမိမိအားလျှော်ဖြူစိုက်ပျိုးရေးကို လက်တွေ့ဆောင်ရွက်ဖြစ်ရန် တွန်းအားပေးနေသကဲ့သို့ ဖြစ်နေလေတော့သတည်း။

Recommended for you-ချမ်းသာဖို့အတွက် ပိုက်ဆံသုံးပါ

Source;“လျှော်ဖြူ စိုက်ပျိုးထုတ်လုပ်ရေး လုပ်ငန်းခွင်လေ့လာရေးခရီး” (၁၈-၆-၂၀၁၇ရက်နေ့ မြန်မာ့အလင်းသတင်းစာဆောင်းပါး)

Read 426 times
Rate this item
(1 Vote)