-->


The Big Bad Wolf Book စာအုပ်ပွဲရဲ့ လူသိနည်းခဲ့တဲ့ သော့ချက်များ

ရန်ကုန်မြို့ရှိ Myanmar Event Park တွင်  တန်ဖိုးသင့် အင်္ဂလိပ်စာအုပ်များကို တစ်မူထူးခြားသည့် စီးပွားလုပ်ငန်းပုံစံတစ်မျိုးဖြင့် ရောင်းချခဲ့သည်။

ထိုသို့ ထူးခြားသည့် စီးပွားလုပ်ငန်းပုံစံ၏ သော့ချက်များကို မတင်ပြခင် စီးပွားလုပ်ငန်းအကြောင်းကို အရင် မိတ်ဆက်ပေးဦးမည်။

 

မလေးရှားနိုင်ငံ ကွာလာလမ်ပူမြို့တော်၏ ဆင်ခြေဖုံးအရပ် ဖြစ်သော ရှာအလမ်ရှိ Big Bad Wolf Books မှ မြန်မာနိုင်ငံတွင် ပထမဆုံးအကြိမ် လာရောက်ကျင်းပသည့် စာအုပ်ပွဲတော် ဖြစ်သည်။  The Big Bad Wolf Book Sale ကို ၂၀၀၉ ခုနှစ်တွင် စတင်ခဲ့သည်။ ကြံဆလုပ်ကိုင်ခဲ့သူတို့မှာ မလေးရှားမှ စာအုပ်ဆိုင်ပိုင်ရှင် လင်မယား ဖြစ်သည့် Andrew Yap နှင့် Jacqueline Ng တို့ဖြစ်သည်။ စာအုပ်ပွဲတော်ပုံစံဖြင့် စာအုပ်အမြောက်အမြားတို့ကို ရောင်းချခဲ့ရာ သတင်းကြီးသွားခဲ့သည်။

 

ထို့နောက် ပြည်ပနိုင်ငံများသို့ ခြေဆန့်ခဲ့ကြရာ ၂၀၁၆ ခုနှစ်တွင် အင်ဒိုနီးရှားနှင့် ထိုင်း နိုင်ငံတို့တွင် စာအုပ်ပွဲတော် ကျင်းပပြီး ရောင်းချခဲ့သည်။ ထို့နောက် သီရိလင်္ကာ၊ ဖိလစ်ပိုင်၊ တိုင်ဝမ်နှင့် ယူအေအီး နိုင်ငံများတွင်လည်း စာအုပ်ပွဲတော်ပုံစံဖြင့် ရောင်းချခဲ့သည်။

 

မြန်မာနိုင်ငံသည် ဆဋ္ဌမမြောက် နိုင်ငံအဖြစ် လာရောက်ရောင်းချခဲ့ခြင်း ဖြစ်သည်။ ပြည်တွင်းမှ  Ready 2 Read Myanmar က လက်တွဲဆောင်ရွက်ခဲ့သည်။ ကလေးသူငယ်စာပေပြီးလျှင် အရောင်းရဆုံးမှာ စီးပွားရေး ပညာပေး စာအုပ်များနှင့် ကိုယ်ထူကိုယ်ထ လုပ်ကိုင်ရန် နည်းပေးလမ်းပြပြုသော စာအုပ်များ ဖြစ်သည်။

 

ထို့နောက်တွင် အတ္ထုပ္ပတိစာအုပ်များနှင့် သမိုင်းနှင့်ပတ်သက်သော စာအုပ်စာပေများ ဖြစ်သည်။  လာမည့်နှစ်များတွင်လည်း ထပ်မံကျင်းပသွားဖို့ ရှိပြီး မန္တလေး စမတ်စီတီးတွင်လည်း ကျင်းပဖို့ စိတ်ကူးရှိသည်ဟု သိရသည်။

 

B

 

The Big Bad Wolf Book Sale စာအုပ်ပွဲတော်၏ တစ်မူထူးခြားသည့် အချက်များကို ဆက်လက်တင်ပြပါမည်။

● ပွဲတော်ကျင်းပရက်သည် ၁၁ ရက်တိုင်တိုင် ကြာမြင့်သည်။ ပုံမှန်အားဖြင့် အရောင်းပွဲတော်များသည် သုံးလေးရက်မှ တစ်ပတ်အထိသာ ကြာလေ့ရှိသည်။ ထိုသို့ ၁၁ ရက် ကြာမြင့်သည့်အတွက် နှစ်ခေါက်သုံးခေါက် သွားဝယ်ဖြစ်သူများ ရှိနေစေသည်။

 

● ၂၄ နာရီ ပတ်လည် ဖွင့်လှစ်ရောင်းချပေးသဖြင့် ညဘက် အေးအေးဆေးဆေး လာရောက်ဝယ်ယူသူများအတွက် အဆင်ပြေနေသဖြင့် ညဥ့်နက်နေချိန်များတွင်လည်း လူစည်းကားလျက် ရှိနေသည်။ ညဘက်မှာ ၀င်းထဲ ယာဉ်ရပ်နားရန်နေရာ မကျန်သဖြင့် အပြင် လမ်းမပေါ် လျှံထွက်ပြီး ယာဉ်ကြောနှစ်ထပ် ရပ်သည်များပင် ရှိခဲ့သည်။

 

C

 

●   စာအုပ်များကို စာအုပ်စင်ဖြင့် တင်ပြီး မရောင်း။ စားပွဲကြီးများပေါ်တွင် အထပ်လိုက် အပုံလိုက် တင်ပေးထားသဖြင့် ဆွဲယူကြည့်ဖို့ အဆင်ပြေသည်။ နမူနာ စာမြည်းရန် SAMPLE ဟု အဖုံးတွင် စာကပ်ပေးထားသည့် နမူနာစာအုပ်ကို အသင့်ချပေးထားသည်။

 

● ၀ယ်ယုရန် ဆုံးဖြတ်သည့် စာအုပ်ကို သယ်ယူရန် ဈေးဝယ်တွန်းလှည်းများ အလုံအလောက် အသင့် ထားပေးထားသည်။  လှည်းတွန်းဖို့အတွက်လည်း သွားလမ်းလာလမ်း လုံလောက်သော အကျယ် ရှိနေအောင် စီစဉ်ထားသည်။ လူများပြီး ကြိတ်ကြိတ်တိုးနေချိန်များ၌ပင်လျှင် လှည်းတွန်းဖို့ လမ်းနေရာ ကျန်သည်။

 

● စာအုပ်များအားလုံးသည် အသစ်ကျပ်ချွတ်များ ဖြစ်ပြီး ဈေးနှုန်းမှာ ၅၀ မှ ၉၀ ရာခိုင်နှုန်းအထိ လျှော့ဈေး ပေးထားသည်။ အများစုသည် ကျပ် ၆၀၀၀ နှင့် ကျပ် ၉၀၀၀ ဟု ဈေးနှုန်းသတ်မှတ်ထားသည်ကို တွေ့ရသည်။

 

● အရောင်းရဆုံးး ကလေးသူငယ်စာအုပ်များ၏ မူရင်းဈေးနှင့် လျှေျာ့ဈေး ကွာခြားချက်တို့ကို ၎င်း၏ ၀က်ဘ်ဆိုက်တွင် လေ့လာနိုင်ရန် တင်ပြပေးထားသည်။ (https://www.bigbadwolfbooks.com/mm/english/)
Best Seller List သည် စာအုပ်ရောင်းအားကို တွန်းတင်သည့် ကိရိယာတစ်ခု ဖြစ်သည်။

 

D

 

● စာအုပ်အမျိုးအစား စုံလင်သည်။ စိတ်ကူးယဉ်ဇာတ်လမ်း စာအုပ်များမှ ပညာရပ်စာအုပ်များအထိ ရှိသည်။  ဒီဇိုင်းပညာ၊ ဖက်ရှင်ပညာ၊ ဗိသုကာပညာ အစရှိသည့်နယ်ပယ်များမှ လေ့လာသူများအတွက် စာအုပ်များလည်း ရှိသည်။

 

● ကလေးသူငယ်စာပေများလည်း ရှိနေပြီး ခင်းကျင်းပြသရာ၌ နေရာဝေစု အများဆုံး ပေးထားသည်။  ကလေးသူငယ်စာပေတို့ကို ၀ယ်ယူလှူဒန်းရန်အတွက်လည်း အသင့်စီစဉ်ပေးထားသည်။ အကျိုးအမြတ် မရှာသော လုပ်ငန်း ဖြစ်သည့် Save the Library မှ တာဝန်ယူပြီး ကျောင်းများသို့ ပေးပို့လှူဒါန်းပေးသည်။

 

●   စာအုပ်ဆိုင်တစ်ဆိုင်ကို အတည်တကျ အမြဲဖွင့်လှစ်ထားပါက နေရာအကျယ်အ၀န်း မလုံလောက်သဖြင့် စာအုပ်များကို အကန့်အသတ်ဖြင့်သာ တင်ပြပေးထားနိုင်မည်။ ယခုလို အမျိုးအမည် များများစားစား ပြသပေးထားနိုင်မည် မဟုတ်ချေ။

 

● ယခုလို ပွဲခင်းဖြင့် ယာယီဆိုင်ဖွင့်ရောင်းချခြင်းကြောင့် ပြည်ပနိုင်ငံများရှိ ပရိသတ်ကို နီးနီးကပ်ကပ် လက်လှမ်းမီစေသည်။

 

● တစ်နှစ်မှ တစ်ကြိမ် ဆိုသကဲ့သို့ ပြသရောင်းချခြင်း ဖြစ်သဖြင့် စိတ်ဝင်စားမှု ရေချိန် မြင့်မားစေပြီး ကြံတောင့်ကြုံခဲ ဖြစ်ခြင်းကို လက်လွတ်မခံလိုကြသဖြင့် ဆွဲဆောင်မှု အားကောင်းနေသည်။ ကြုံတုန်း ၀ယ်ထားဦးမှ ဆိုသော စိတ်ကူးဖြင့် ၀ယ်ယူရန် ဆုံးဖြတ်ချက်ချခြင်းဆီသို့ ရောက်စေသည်။ အရောင်းအ၀ယ်ပြုကြရာ၌ ၀ယ်ယူရန် ဆုံးဖြတ်ခြင်းသို့ ရောက်အောင် တွန်းပို့ရခြင်းအလုပ်ကို အလိုလို ဖြည့်ဆည်းပြီးသား ဖြစ်နေစေသည်။

 

E

 

● Big Bad Wolf သည် စာအုပ်အသစ်ကျပ်ချွတ်များကို ရောင်းချခြင်း ဖြစ်သော်လည်း အများစုမှာ လတ်ဆတ်ဆဲရှိသည့် တိုက်လက်ကျန်များကို အမေရိကန်နှင့် ဗြိတိသျှ ထုတ်ဝေသူများထံမှ ၀ယ်ယူပြီး ရောင်းချခြင်း ဖြစ်သည်။  အသစ် ထွက်ထွက်ချင်းစာအုပ်များကို ဈေးကြီးပေးဝယ်ပြီး ပြန်ရောင်းခြင်း မဟုတ်ချေ။ တိုက်လက်ကျန်စာအုပ်များကို ဈေးနှုန်း နည်းနိုင်သရွေ့ နည်းနည်းဖြင့် ရအောင် ဈေးစကားပြောပြီး ၀ယ်ယူသည်။

 

● ထို့နောက် ယခုလို ဈေးနှုန်း သက်သက်သာသာဖြင့် ပြန်ရောင်းချပေးသည်။ အာရှမှ စာအုပ် ၀ယ်ယူဖတ်ရှုသူတို့အနေဖြင့် ဈေးအမြင့်ဖြင့် ၀ယ်ယူဖို့ မတတ်နိုင်ကြပေ။ ဥပမာ ဒေါ်လာ ၇၀ ဖြင့် ဖြန့်ဖြူးရောင်းချနေသည့် စာအုပ်ကို  MEP တွင် ၁၂ ဒေါ်လာဝန်းကျင် ဖြင့် ရနိုင်သည်။ တန်ချက်က နိုင်းကျော်နေခြင်းက ၀ယ်ယူရန် ဆုံးဖြတ်ခြင်းဆီသို့ ရောက်ရှိစေပေသည်။

 

MEP တွင် ၂၀၁၉ ခုနှစ် ဇန်န၀ါရီလ ၁၈ ရက်မှ ၂၈ ရက်အထိ  The Big Bad Wolf Book Sale ကို ၁၁ ရက်တိုင်တိုင် ရောင်းချခဲ့သည်။ လူကြီးလူငယ်  ကလေးအရွယ် အပါအ၀င် အမျိုးသား အမျိုးသမီးတို့ လာရောက် ၀ယ်ယူခဲ့ကြသူဦးရေ တစ်သိန်းခွဲကျော် ရှိခဲ့ပြီး အုပ်ရေနှစ်သိန်းနှစ်သောင်းကျော် ရောင်းချခဲ့ရသည်အထိ အောင်မြင်ခဲ့သည်။

 

 

Myanmar Advertising Directory

 

Read More ... ကြော်ငြာလုပ်ငန်းအများစုက ဒစ်ဂျစ်တယ်ဘက်ကို သွားနေတယ်

Read 243 times
Rate this item
(1 Vote)