Twitter အမည်သစ် X မူပိုင်ခွင့် ပြဿနာတက်လာနိုင်
To Get Instant Update
https://t.me/Guid4U
JOIN THE CHANNEL
လူမှုကွန်ရက် ပလက်ဖောင်း Twitter ကို Twitter ပိုင်ရှင် အီလွန်မတ်စ်က X ဟု အမည်ပြောင်းလိုက်သည်။ X မူပိုင်ခွင့်အတွက် ပြဿနာများ ရှိနေသည်။
X ကို ကုန်သွယ်မှု အမှတ်အသား trademar ကို ပိုင်ဆိုင်ထားသူများ Meta, Microsoft တို့ အပါအဝင် ရာချီပြီး ရှိနေသည်။
တွစ်တာကို အမည်အသစ် လိုဂိုအသစ် ပြောင်းလဲမည်
https://www.myanmaritdirectory.com/ict-news/social-media/item/4146-twitter.html
၂၀၂၃ ခုနှစ် ဇူလိုင်လ ၂၃ ရက်တွင် Twitter ဝဘ်စာမျက်နှာကို X လိုဂိုအသစ်ဖြင့် စတင်ပြောင်းလိုက်သည်ကို တွေ့ကြရသည်။
ဘီလျံနာ Elon Musk ၏ Twitter ကို X ဟု အမည်ပြောင်းလဲ သုံးစွဲလိုက်ခြင်းသည်။ တရားဥပဒေအရ ပြဿနာ တက်လာနိုင်သည်။ အက္ခရာ X ကို Meta နှင့် Microsoft တို့အပါအဝင် ဉာဏပစ္စည်းမူပိုင်ခွင့်များ ရယူထားပြီးသူများ ရှိနေသည်။
X.Org Foundation လိုဂို
Twitter အမည်ပြောင်း X လိုဂို
လုပ်ငန်းကဏ္ဍ နယ်ပယ် မတူသည့်သူများအနေဖြင့် တရားစွဲဆိုနိုင်ကြမည် မဟုတ်သော်လည်း နယ်ပယ် တူနေပါက တရားစွဲဆိုနိုင်မည် ဖြစ်သည်။
ငွေကြေးအရ ပေးလျော်ရသည်မှအစ သုံးစွဲခွင့် မပြုဘဲ ပိတ်ပင်ခံရသည်အထိ ဖြစ်လာနိုင်သည်။
Microsoft သည် ၎င်း၏ Xbox video-game system အတွက် X trademark ကို မူပိုင်ခွင့် ရယူထားသည်မှာ ၂၀၀၃ ခုနှစ်ကတည်းက ဖြစ်သည်။
Meta Platforms က ၂၀၁၉ ခုနှစ်တွင် အပြာနှင့် အဖြူ အက္ခရာ X ကို ဆော့ဖ်ဝဲလ်နှင့် လူမှုကွန်ရက်တို့အတွက် ကုန်သွယ်မှုအမှတ်တံဆိပ် မူပိုင်ခွင့် ရယူထားသည်။
Meta သည်လည်း မူပိုင်ခွင့် ပြဿနာ တက်ခဲ့သည်။ Meta အမည်အတွက် ရင်းနှီးမြှုပ်နှံမှုလုပ်ငန်း Metacapital နှင့် virtual-reality ကုမ္ပဏီ MetaX တို့က တရားစွဲဆိုခဲ့ကြသည်။ အနန္တသင်္ကေတ လိုဂိုအတွက်လည်း တရားစွဲဆိုခံရပြီး လျော်ကြေးပေးပြီး ဖြေရှင်းခဲ့ရသည်။
အကယ်၍ အီလွန်မတ်စ်က X ကို သုံးစွဲသည့်အတွက် ပြဿနာ အထွေအထူး မရှိပါက အခြားသူများကလည်း အလားတူ X ကို သုံးစွဲနိုင်ကြမည် ဖြစ်သည်။ ထိုအခါ အီလွန်မတ်စ်၏ ကုမ္ပဏီက တရားစွဲဆိုရန် ခက်ခဲလိမ့်မည်။
Source Reuters
To Get Instant Update
https://t.me/Guid4U
JOIN THE CHANNEL
