Thai Airways အမှတ်တံဆိပ် တန်ဖိုးလျော့ကျ
TO GET INSTANT UPDATE
https://t.me/Guid4U
Join Telegram Channel
အလုပ်ကိစ္စဖြင့် လေကြောင်းခရီး သွားလာမှု ကြက်သီးနွေးရုံမျှသာရှိပြီး အချိတ်အဆက် ဗဟိုချက် မဖြစ်လာနိုင်ခြင်းတို့ကြောင့် Thai Airways ၏ brand တန်ဖိုး ကြီးထွားနှုန်းနှေးကွေးနေသည်။ ထိုင်းနိုင်ငံမှ brand များတွင် Centara Grand သည် ယခုနှစ်တွင် အတောင့်တင်းဆုံး ဖြစ်သည်။
.
Brand Finance ၏ အာရှ-ပစိဖိတ်ဒေသဆိုင်ရာ မန်နေးဂျင်းဒါရိုက်တာ Alex Haigh က ထိုင်းအစိုးရအနေဖြင့် နာမည်ကြီးပြီးသားဖြစ်သည့် ထိုင်းသို့ အပန်းဖြေ အလည်အပတ် လာရောက်ကြသည့် ခရီးစဉ်များကုိသာ မြှင့်တင်ခြင်းကိုသာမက ထိုင်းနိုင်ငံတွင် နေထိုင်လုပ်ကိုင်ရန်နှင့် အငြိမ်းစားယူပြီးသည့်နောက် ထိုင်းတွင် လာရောက်နေထိုင်ကြစေရန်တို့ကိုပါ ပိုမိုလုပ်ဆောင်ပေးပြီး မြှင့်တင်ပေးသင့်သည်ဟု အကြံပြုသည်။
.
Brand Finance ၏ ယခုနှစ် လေ့လာချက်အရ Thai Airways ၏ brand တန်ဖိုးမှာ ကန်ဒေါ်လာ သန်း ၉၀၀ ဖြစ်ပါသည်။ ထိုင်းနိုင်ငံ၏ brand တန်ဖိုး အမြင့်မားဆုံး ထိပ်တန်း(၅၀) တွင် ပါဝင်သည်။ ၂၀၁၉ ခုနှစ်တွင် ကန်ဒေါ်လာ ၁.၃၇ ဘီလီယံ ရှိခဲ့ရာမှ ကျဆင်းသွားခဲ့ခြင်း ဖြစ်သည်။ သို့သော် ယမန်နှစ်ကထက် ၃ ရာခိုင်နှုန်း ပိုများသည်။
ဒေသတွင်းမှ အခြားလေကြောင်းလိုင်းများ ဖြစ်သည့် Singapore Airlines သည် ယခုနှစ်တွင် ယမန်နှစ်ကထက် ၈% ပိုများသည်။ Malaysia Airlines က ၅% ပိုများသည်။
Brand Finance ၏ အစီရင်ခံစာတွင် ယခုနှစ် အတောင့်တင်းဆုံး brand သည် Centara Grand ဖြစ်သည်။
ယမန်နှစ်က အတောင့်တင်းဆုံး brand မှာ Kasikornbank ဖြစ်ပါသည်။ ယခုနှစ်တွင် Kasikornbank သည် တတိယနေရာတွင် ရပ်တည်နေသည်။
ဒုတိယနေရာတွင် PTT ရှိနေပြီး PTT သည် ယမန်နှစ်ကလည်း ဒုတိယနေရာတွင် ရပ်တည်ခဲ့သည်။
TO GET INSTANT UPDATE
https://t.me/Guid4U
Join Telegram Channel
