၁ ဘီလီယံဒေါ်လာ စံချိန်နှင့်အတူ ရေပန်းစားနေတဲ့ Barbillion မားကက်တင်း
To Get Instant Update
https://t.me/Guid4U
JOIN THE CHANNEL
Barbie ရုပ်ရှင် ရုံတင်ပြသလျက်ရှိရာ ဝင်ငွေ ကန်ဒေါ်လာ ၁ ဘီလျံ စံချိန်သို့ ရောက်ရှိခဲ့သည်။ ရုပ်ရှင်ရုံ လက်မှတ်ရောင်းရငွေ ကန်ဒေါ်လာ ၁ ဘီလျံကျော်သည့် ရုပ်ရှင် အရေအတွက် ၅၀ ဝန်းကျင်သာ ရှိသည်။
Barbie ကို ရိုက်သည့် အမျိုးသမီး ဒါရိုက်တာ Greta Gerwig သည် ပူးတွဲဒါရိုက်တာမပါ တကိုယ်တော် ရိုက်သည့် အမျိုးသမီး ဒါရိုက်တာများ အကြားတွင် ရုပ်ရှင်ရုံဝင်ငွေစံချိန် ကန်ဒေါ်လာ ၁ ဘီလီယံသို့ ရောက်ရှိသည့် 'ပထမဆုံး အမျိုးသမီးဒါရိုက်တာ" ဖြစ်လာသည်။
Barbie သည် ၂၀၂၂ တွင် ပေါင်းစည်းခဲ့ကြသော Warner Bros. Discovery မှ ၂၀၂၃ တွင် ဒုတိယမြောက် ရုံတင်သည့် ရုပ်ရှင် ဖြစ်သည်။
Gerwig သည် Disney မှ ထုတ်လုပ်သည့် "Captain Marvel" တွင် co-director အဖြစ် ပါဝင်ခဲ့သည်။
"Captain Marvel" သည် ၂၀၁၉ ခုနှစ် ရုံတင်ပြသခဲ့ရာ ဝင်ငွေ ကန်ဒေါ်လာ ၁.၁၃ ဘီလီယံ ရရှိခဲ့သည်။
Universal ၏ "The Super Mario Bros. Movie" သည် ဧပြီလတွင် စတင်ရုံတင်ပြသခဲ့ပြီး ဝင်ငွေ ကန်ဒေါ်လာ ၁.၃ ဘီလီယံ ရရှိခဲ့သည်။
"Barbie" က ပိုက်ပြင်ဆရာ "Mario" ဝင်ငွေစံချိန်ကို ချိုးနိုင်မှာလားဆိုသည်ကို စောင့်ကြည့်ကြရမည်။
ငွေကြေး အမြောက်အမြား အကုန်ကျခံပြီး ရိုက်ကူးထုတ်လုပ်သော ရုပ်ရှင်များ ဝင်ငွေ စံချိန် မတင်နိုင် ဖြစ်နေကြစဉ် "Barbie" ထ"ပေါက်" သွားသည်။
လွမ်းဆွတ်စရာဖြင့် မျှားခေါ်သည့် လူကြိုက်များခဲ့သည့် ရုပ်ရှင်များကို ဇာတ်လမ်းအသစ်ဖြင့် အသက် ထပ်ဆက်ခဲ့ကြရာ မအောင်မြင်ခဲ့ချေ။
Disney ၏ "Indiana Jones and the Dial of Destiny" ၊ Paramount ၏ Mission Impossible စီးရီး၊ Universal ၏ Fast and Furious တို့သည် မှန်းထားသလောက် မပေါက်ခဲ့ချေ။ အမေရိကန်တွင် ပြသရာ၌ ဝင်ငွေ ကန်ဒေါ်လာ သန်း ၂၀၀ မပြည့်ခဲ့ကြချေ။
Barbie ဝင်ငွေ ကန်ဒေါ်လာ ၁ ဘီလီယံ billion ကျော်သွားတဲ့အတွက် မားကက်တင်းလောကမှာ “Barbillion” ဟု အမည်ပေးလိုက်ကြသည်။
အလွန်အမင်း စန်းထနေသည့် Barbie အရှိန်အဟုန်ဖြင့် Barbillion မားကက်တင်းများ ပေါ်ထွက်လာသည်။
ကယ်လီဖိုးနီးယား ပင်လယ်ကမ်းခြေ မာလီဘူးတွင် Barbie Dreamhouse Airbnb ပေါ်ပေါက်လာသည်။ Barbie ဂိမ်းစက်လည်း ထွက်ပေါ်လာသည်။ Barbie ကော်ဇော၊ Barbie ခရီးဆောင်အိတ် ရောင်းချကြသည်။ အချဉ်ရည်ပျစ်ကို အနီရောင်အစား ပန်းနုရောင် သုံးထားသည့် Barbie ဘာဂါလည်း ရှိသည်။
To Get Instant Update
https://t.me/Guid4U
JOIN THE CHANNEL
