-->


ဈေးကွက်ရှာဖွေရေး အမှား (၁၂) ချက်

ကုမ္ပဏီဝန်ထမ်းအဖြစ် ဆယ်နှစ်ကျော်အတွေ့ အကြုံရရှိလာတဲ့အခါ ဈေးကွက်မန်နေဂျာတစ်ဦးရဲ့ ချိုမြတဲ့ အတွေ့အကြုံတွေရရှိခဲ့သလို ခါးသီးတဲ့ အတွေ့အကြုံလည်း ရရှိခဲ့ပါတယ်။

ဒီတော့ အမှား နည်းအောင် ဘယ်လိုလုပ်ရမလဲဆိုတဲ့ အိုင်ဒီယာ လေး ရရှိလာပါတယ်။ ကုမ္ပဏီတစ်ခုနဲ့ တစ်ခုပြိုင် ဆိုင်ရတဲ့အခါ ဈေးကွက်ရှာဖွေရေး (Marketing) ကို ပစ်ပယ်လို့ မရတော့ပါဘူး။ ဈေးကွက်စီမံခန့်ခွဲမှု (Marketing Management) ကို ပစ်ပယ်လို့မရ တော့ပါဘူး။ ဈေးကွက်စီမံခန့်ခွဲမှု (Marketing Management)ကို ယှဉ်ပြိုင်ဘက်များတဲ့နေရာ အတော်များများမှာ သုံးစွဲလို့နေရပါပြီ။ စာတွေ့လက် တွေ့လေ့လာမှုနဲ့ လက်တွေ့အလုပ်ကို ပေါင်းစပ် ကြည့်လိုက်တော့ ကုမ္ပဏီလုပ်သက် ဆယ်နှစ်တာ ကာလမှာ ဈေးကွက်ရှာဖွေရေး (Marketing) မှာ အများဆုံး မှားကြတဲ့ ဈေးကွက်ရှာဖွေရေးအမှားများ (Marketing Errors)ကို တွေ့ရှိခဲ့ပါတယ်။ ဒီအမှား တွေကို နည်းအောင်ပြုလုပ်ရင် ကုမ္ပဏီတွေရဲ့ ရည် မှန်း ချက်အောင်မြင်ပြီး ပစ်မှတ်ဖောက်သည်တွေထံ ရောက်ရှိမယ်လို့ ယုံကြည်တဲ့အတွက် ကျွန်တော့ အတွေ့အကြုံနဲ့ ယှဉ်ပြီးတင်ပြချင်ပါတယ်။

ဈေးကွက်ရှာဖွေရေးအမှားများ

(၁)ထုတ်ကုန်ပစ္စည်းတစ်ခုကို ခေတ်မီနေအောင် ပြုပြင်ထိန်းသိမ်းသွားရန် ပျက်ကွက်ခြင်းဟာ ဈေးကွက်ရှာဖွေရေးရဲ့ အမှားတစ်ခုဖြစ်နေပါတယ်။ ဥပမာ- ကလေးတွေစားနေတဲ့ အဆာပြေ Snack ထုပ်တွေကို လေ့လာကြည့်ပါ။ အထဲက မုန့် အရည်အသွေးကလည်း စားချင်စဖွယ် ပြုလုပ်ပြီး packing လှလှလေးနဲ့ Street Fighter ကတ်ပြားလေးလည်း အထဲမှာ ပါလိုက်သေး။ တီဗီကြော်ငြာနဲ့လည်း ဆွဲဆောင်လိုက်သေး တယ်။ ဈေးနှုန်းကလည်း ခုခေတ်ကလေးတွေ သုံးစွဲနိုင်တဲ့ ပတ်ဝန်းကျင်ဆိုတော့ ရောင်းကောင်း တာပေါ့။ ဒါဟာ ထုတ်ကုန်ပစ္စည်းတစ်မျိုးကို ခေတ်မီနေအောင် ပြုပြင်ထိန်းသိမ်းခြင်းပဲ။ အဲဒီ လိုမှ မထုတ်လုပ်နိုင်ရင် မိမိရဲ့ကုန်ပစ္စည်းဟာ ဈေးကွက်နဲ့ ကိုညီမှာမဟုတ် ပါဘူး။
(၂)ဈေးကွက်အလာကို တိကျစွာ တွက်ချက် ခန့်မှန်း ရန် ပျက်ကွက်ခြင်းကလည်း ဈေးကွက်ရှာဖွေရေး ရဲ့ အမှားတစ်ရပ်ပါပဲ။ ဈေးကွက်ထဲမှာ စားသုံးသူ ဘာလိုအပ်နေသလဲ။ ဘာကို ကြိုက်နှစ်သက် ကြသလဲ။ ကုမ္ပဏီတွေဟာ ဒါကြောင့် ဈေးကွက် အလားအလာကို တွက်ချက်ခန့်မှန်းဖို့ ငွေကြေး ကုန်ကျခံပြီး ဈေးကွက်သုတေသန ပြုလုပ်ခဲ့ကြပါ တယ်။ ဥပမာ- ဆောင်ရွက်နေတဲ့ စားသောက်ကုန် ဈေးကွက်ဟာ အခုအချိန်မှာ ကောင်းနေပေမဲ့ ရှေ့အလားအလာ ဘယ်လိုရှိသလဲဆိုတာ ခန့်မှန်း နိုင်ဖို့ လိုအပ်ပါတယ်။
(၃)ဈေးကွက်ပြောင်းလဲမှု လမ်းကြောင်းအစဉ်ကို တိကျစွာတိုင်းဆဖို့ ပျက်ကွက်တာဟာလည်း အမှားတစ်ခုအဖြစ် ကြုံတွေ့ရပါတယ်။ ဒါကြောင့် ဈေးကွက်ရှာဖွေရေး အစီအစဉ်တွေမှာ အလှည့် အပြောင်းတွေကို အသင့်ဆောင်ရွက်နိုင်ဖို့လိုတာ သင်ခန်းစာ ရခဲ့ပါ။ ဥပမာ- စာအုပ်ထုတ်ဝေရေး ဈေးကွက်ကို ကြည့်ပါ။ "အရည်အသွေး" ဆိုတဲ့ ပြောင်းလဲမှုလမ်းကြောင်းကို တဖြည်းဖြည်း ရောက် ရှိနေပြီ ဖြစ်ပါတယ်။
(၄)ဒေသတစ်ခုနဲ့တစ်ခု ကွဲပြားခြားနားမှုတွေကို သဘောပေါက်နားလည်ဖို့ ပျက်ကွက်ခြင်းဟာ မားကတ်တင်းရဲ့ အမှားတစ်ရပ်ပါပဲ။ ကြော်ငြာ ခြင်းနဲ့ ဖြန့်ဖြူးရောင်းချခြင်း ကြိုးပမ်းမှုတွေဟာ ပတ်ဝန်းကျင်နဲ့ ယဉ်ကျေးမှုဆိုင်ရာ ကန့်သတ်ချက် တွေကို ထင်ဟပ်စေရပါတယ်။
(၅)ဝယ်လိုအားနဲ့ ပတ်သက်ပြီး ရာသီအလိုက်ကွဲပြား မှုတွေကို သဘောပေါက် နားလည်ဖို့ ပျက်ကွက် ခြင်းဟာလည်း ဈေးကွက်ရှာဖွေရေးရဲ့ အမှား တစ်ရပ်ပါပဲ။ ဥပမာ-အိမ်သုတ်ဆေးတွေဟာ မိုး ရာသီမှာ အရောင်းထိုင်းပြီး ဆောင်ရာသီကစပြီး ရောင်းအားကောင်းလာတာ တွေ့ရပါတယ်။ ဒါကြောင့် သုံးစွဲသူ ဖောက်သည်တွေရဲ့ ဝယ်လို အား (Demand)ကို သတိမူဖို့ အရေးကြီးပါတယ်။
(၆)ကြော်ငြာအသုံးစရိတ်ကို ပြည့်ပြည့်ဝဝ ဖြည့် ဆည်းရန် ပျက်ကွက်ခြင်းဟာ ဈေးကွက်ရှာဖွေ ရေးရဲ့ အမှားတစ်ခုပါပဲ။ ဒီနေရာမှာ လက်ငင်း ရောင်းချမှုအပေါ် အခြေပြုသုံးစွဲတဲ့ ကြော်ငြာ အသုံးစရိတ်ဟာ မကြာခဏဆိုသလိုပဲ အမြင်တို တောင်းရာ ရောက်ပါတယ်။ ဒါကြောင့် ယှဉ်ပြိုင် ဘက်များတဲ့ ခေတ်မှာ ကြော်ငြာအသုံးစရိတ်ကို ဘတ်ဂျက်တစ်ခုအနေနဲ့ ကုမ္ပဏီတွေမှာ ချမှတ် ကြလေ့ရှိပါတယ်။
(၇)ရေရှည်ရည်မှန်းချက် ပန်းတိုင်မူဝါဒကို ကိုင်စွဲဖို့ ပျက်ကွက်ခြင်းဟာလည်း မားကတ်တင်းရဲ့ အမှားတစ်ရပ်ပါပဲ။ ဒီနေရာမှာ သတိပြုမိတာက တော့ ထူးခြားမှုပြောင်းလဲမှု လမ်းကြောင်းအစဉ်တို့ ဟာ ဖြစ်ပေါ်တိုးတက်လာဖို့ အချိန်လိုအပ်လေ့ ရှိတတ်ပါတယ်။ ဒါကြောင့် ကုမ္ပဏီတွေဟာ ရေရှည် ရည်မှန်းချက်အနေနဲ့ ကုန်သွယ်မှု Trading ပဲ လုပ် နေမှာလား။ ထုတ်လုပ်မှု Manufacturing လုပ်မလား စတာတွေကို စဉ်းစားသင့်ပါတယ်။
(၈)စိတ်ကူးသစ်တွေကို ဈေးကွက်မှာ စမ်းသပ်ရန် ပျက်ကွက်ခြင်းဟာလည်း ဈေးကွက်ရှာဖွေရေးရဲ့ အမှားတစ်ခုပါပဲ။ ဥပမာ- ကုမ္ပဏီတစ်ခုဟာ အရောင်းမြှင့်တင်ရေး အထူးဆောင်ရွက်မှုဆိုင်ရာ ရေတိုနည်းဗျူဟာ ကျင့်သုံးနေရုံနဲ့ မရပါဘူး။ ရေရှည်နည်းဗျူဟာဖြစ်တဲ့ "ကြော်ငြာခြင်း" နေရာ မှာ အစားထိုးဖို့ လိုအပ်ပါတယ်။
(၁၀)ဈေးကွက်ရှာဖွေရေးရဲ့ အဆင့်ကဏ္ဍအားလုံး ကို ခြုံငုံပြီး စီမံကိန်းအတွင်းသို့ ပေါင်းစည်းထည့် သွင်းဖို့ပျက်ကွက်ခြင်းဟာ မားကက်တင်းရဲ့အမှား တစ်ခုပါပဲ။ ဆိုလိုတာက ကုမ္ပဏီတစ်ခုရဲ့ ဈေးကွက် ဌာနဟာ အခြားကုန်ထုတ်လုပ်မှုဌာန၊ ဘဏ္ဍာရေး ဌာန၊ စီမံခန့်ခွဲရေးဌာနတွေရဲ့ ညှိနှိုင်းပေါင်းစပ် ဆောင်ရွက်ခြင်းဟာ အောင်မြင်မှုအတွက် သော့ ချက်ပမာ အရေးကြီးပါတယ်။
(၁၁)ပြိုင်ဆိုင်မှုကို ဓမ္မဓိဋ္ဌာန်ကျကျ သုံးသပ်ဖို့ ပျက် ကွက်ခြင်းဟာ ဈေးကွက်ရှာဖွေရေးရဲ့ အမှား တစ်ခုပဲ ဖြစ်ပါတယ်။ ဒါကြောင့် ကုမ္ပဏီတွေဟာ မိမိရဲ့အနေအထား သို့မဟုတ် ကျော်ကြားမှုကို ပုံ သေတွက်ပြီး သတင်းအချက်အလက်များနဲ့ ပြိုင် ဆိုင်မှုတွေကို လျှော့မတွက်ဖို့ အရေးကြီးပါတယ်။
(၁၂)ရှုံးနိမ့်မှုကို သုံးသပ်ရန် ပျက်ကွက်ခြင်းဟာ လည်း ဈေးကွက်ရှာဖွေရေးရဲ့ အမှားတစ်ခုပါပဲ။ ဥပမာ-ယှဉ်ပြိုင်ဘက်တွေရဲ့ မျိုးတူကုန်ထုတ် ပစ္စည်းကို အပြိုင်ရောင်းတဲ့အခါ ဘာကြောင့် မရောင်းရတာလဲ။ ဝယ်သူတွေ မကြိုက်လိုလား။ ဈေးနှုန်းကြီးလို့လား။ အရည်အသွေးညံ့လို့လား။ ကြော်ငြာနည်းလို့လား။ အဲဒီအမှားကို မှန်မှန်ကန် ကန် သုံးသပ်ရေးဟာ အလွန်အရေးကြီးတာ သတိပြုကြဖို့လိုအပ်ပါတယ်။
အထက်ဖော်ပြပါ ဈေးကွက်အမှား (၁၂) ချက်ကို ကုမ္ပဏီတွေပဲဖြစ်စေ၊ စီးပွားရေးလုပ်ငန်းတွေ ပဲဖြစ်စေ၊ ဂရုပြုဆောင်ရွက်ပြီး အမှားနည်းအောင် လုပ်ကြမယ်ဆိုရင် ကုမ္ပဏီတွေရဲ့ရည်မှန်းချက်တွေ ပြည့်ဝပြီး အောင်မြင်ကျော်ကြားလာမှာ ဖြစ်ပါတယ်။

မောင်မောင်မြင့်သိန်း(စက်မှုတက္ကသိုလ်)

Read 445 times
Rate this item
(1 Vote)