-->


ဂျပန်ကော်ဖီဆိုင်ဈေးကွက် အဓိပတိ ၃ ပါး

လက်ဖက်ရည်ကြမ်းသောက်သုံးသည့်ဓလေ့ထွန်းကားသည့် ဂျပန်၌ ကော်ဖီစေ့ကို အခုကြိတ်၊ အခုနှပ်ပြီး အခုဖျော်ပေးလိုက်သည့် လတ်ဆတ် ကော်ဖီ ပူပူနွေးနွေးကို ၀ယ်သောက်သူ များပြားနေ သည်။

ဂျပန်နိုင်ငံ၏ သက်သာဆိုင်လုပ်ငန်းတွင် နံပါတ်(၁)နေရာ၌ ရှိနေသော 7-Eleven က ဂျပန် နိုင်ငံတစ်လွှားတွင် ဖြန့်ကျက်တည်ရှိနေသော ၎င်း၏ သက်သာဆိုင်ပေါင်း ၁၆,၀၀၀ တွင် ကော်ဖီကြိတ်နှပ် ဖျော်စက်များ ထားရှိပေးပြီး ကော်ဖီပူပူနွေးနွေးကို ရောင်းချပြီး ပေါ်ထွန်းလာသည့် ကော်ဖီဆိုင်များ ဈေးကွက်တွင် ဈေးကွက်ဝေစု လက်ဦးမှု ရယူနိုင်ဖို့ ကြိုးစားအားထုတ်သည်။ ၀ယ်သောက်မည့်သူက မှာ လိုက်မှာ ကြိတ်နှပ်ဖျော်ပေးသည့် လတ်ဆတ်ကော်ဖီ ၀န်ဆောင်မှုကို Seven Café ဟု အမည်ပေးထား၏။
ဝယ်ယူသောက်သုံးသူသည် ငွေရှင်းကောင် တာတွင် ငွေပေးချေပြီး ၀ယ်သောက်ရာ၌ ယန်း ၁၀၀ တန်နှင့် ယန်း ၁၅၀ တန် နှစ်မျိုးအနက် နှစ်သက်ရာ ကို ၀ယ်သောက်နိုင်ရန် စီစဉ်ပေးထားသည်။ ယန်း ၁၀၀ သည် အရေိကန်ဒေါ်လာ ၉၆ ဆင့်နှင့် ညီမျှပေ ရာ တစ်ဒေါ်လာတန်ကော်ဖီတစ်ခွက်ဟု အကြမ်း အားဖြင့် ဆိုနိုင်ပေသည်။
Seven Café ၀န်ဆောင်မှု စတင်ခဲ့ပြီးသည့် နောက် ပုံမှန်အနေအထားသို့ ရောက်ရှိလာသောအခါ 7-Eleven စတိုးဆိုင် တစ်ဆိုင်လျှင် တစ်နေ့ ပျမ်းမျှ ခွက်ရေ ၁၀၀ ရောင်းချရသည်ဟု ဆိုသည်။
Seven Café သည် အငွေ့ထောင်းထောင်းထ နေသည့် ကော်ဖီပူပူများအပြင် ရေခဲကော်ဖီအေးအေး များကိုလည်း တစ်ခွက်လျှင် ယန်း ၁၀၀ တန်နှင့် ယန်း ၁၈၀ တန်ဟူ၍ နှစ်မျိုးထားရှိကာ ရောင်းချပေး သည်။
မှာကြားမှ ကြိတ်နှပ်ဖျော်ပေးခြင်း ဖြစ်ပေရာ သောက်သုံးသူက စောင့်ဆိုင်းရသည်။ ထို့ကြောင့် ကော်ဖီရဖို့ တန်းစီစောင့်နေကြသူတို့ကို လူစည်ကား ရာအရပ်ရှိ Seven Café ဆိုင်တို့တွင် မြင်ရနေကျ ဖြစ်သည်အထိ အားပေးကြသည်။ အခြားကော်ဖီဆိုင် များလုပ်ငန်းကြီးနှစ်ခုဖြစ်သည့် Starbucks နှင့် Doutor တို့ထက် Seven Café ၏ လတ်ဆတ်ကော်ဖီ က ပိုသောက်ကောင်းသည်ဟု ဆိုကြသည့် အမာခံ ပရိသတ်ကိုလည်း ရရှိထားပေသည်။
အမေရိကန်အခြေစိုက် ကော်ဖီဆိုင်များလုပ် ငန်းကြီး ဖြစ်သည့် Starbucks Corp သည် ဂျပန်၌ ဆိုင်စဖွင့်လှစ်ခဲ့သည်မှာ ၁၉၉၆ ခုနှစ်တွင်ဖြစ်ပြီး ဂျပန်ပြည်တွင်းလုပ်ငန်း Sazaby League Ltd.,နှင့် ဖက်စပ်လုပ်ငန်းအဖြစ် ထူထောင်လုပ်ကိုင်ခဲ့သည်။ ဘူတာရုံတို့တွင် ထားရှိသည့်လမ်းဘေးဈေးရောင်း စက်ထဲမှ သံဘူးကော်ဖီနှင့် နှိုင်းစာပါက အလွန်ပို ကောင်းသည့် အရည်အသွေး ပေးနိုင်သည်မှာ အမှန် ပင် ဖြစ်သော်ငြားလည်း တစ်ခွက်လျှင် သုံး အမေ ရိကန်ဒေါ်လာကျော် ဖြစ်နေသည်မှာ ဈေးမြင့်လွန်း နေသည်။ ထိုငွေပမာဏဖြင့် နေ့လည်စာ ၀ယ်စား၍ ရနေသည်။ ဘူးလေးရာ ဖရုံဆင်သည်မှာ သုံးစွဲခွန် ၅% ထပ်ဆောင်းပေးကြရသဖြင့် ပိုက်ဆံအိတ် ပိန် ဆေး ဖြစ်နေစေသည်။ ယခုအခါ ၅%မှ ၈% သို့ အခွန်နှုန်းထား တိုးမြှင့်သတ်မှတ်ထားပြီးပြီဖြစ်ပေရာ အလိုလိုနေရင်း ဈေးပိုကြီးသွားရပေသည်။
Starbucks သည် ဂျပန်၌ ကော်ဖီဆိုင်ပေါင်း တစ်ထောင်ကျော် ဖွင့်လှစ်လုပ်ကိုင်လျက်ရှိပြီး ရောင်းအားသည် တစ်နှစ်ထက် တစ်နှစ်ပိုများလာနေ သည်ဟု ဆိုသည်။
ဂျပန်ရိုးရာဖြစ်သည့်အပြင် အရောင်းရဆုံးလည်း ဖြစ်သော လက်ဖက်ရည်ကြမ်းနေရာတွင်လတ်ဆတ် ကော်ဖီပူပူက နေရာဝင်ယူလာနေပြီ ဖြစ်သည်။ All Japan Coffee Association မှ ထုတ်ပြန်ချက်တစ်ခု ၌ ၁၉၉၀ခုနှစ်မှ ၂၀၁၂ ခုနှစ်အတွင်း ကော်ဖီသောက် သည့်အကျင့် ရေပန်းစားလာခဲ့ပြီး သောက်သုံးမှု ၅၀% ၀န်းကျင်တိုးခဲ့သည်ဟု ခန့်မှန်းသည်။ ထို ကာလတွင် ကော်ဖီတန်ချိန် ၂၅၆,၉၃၀ ကို ဂျပန် နိုင်ငံ၌ သုံးစွဲခဲ့သည်ဟု ဖော်ပြထားပေသည်။ ထို ကာလ၌ လက်ဖက်ရည်ကြမ်း သောက်သုံးခြင်းသည် ၃% လျော့ကျသွားသည်ဟု ခန့်မှန်းချက် ဖော်ပြထား ပေသည်။
Japan Coffee

Read 415 times
Rate this item
(1 Vote)