-->
×

Warning

JUser: :_load: Unable to load user with ID: 29


လုပ်ငန်းဆောင်တာတွေကို အအောင်မြင်ဆုံးနဲ့အကောင်းဆုံးကိုင်တွယ်နိုင်ဖို့ဆိုရင်

လုပ်ငန်းဆောင်တာတွေကို အအောင်မြင်ဆုံးနဲ့အကောင်းဆုံးကိုင်တွယ်နိုင်ဖို့ဆိုရင် Google

လုပ်ငန်းရှင်တစ်ယောက်အနေနဲ့ အလုပ်ချည်းပဲ ကြိုးစားပမ်းစားလုပ်နေဖို့၊ အားကုန်စိုက်ထည့်ပြီးပဲ လုပ်နေရတာမျိုးမဟုတ်ပဲ လုပ်ငန်းဆောင်တာတွေကို စနစ်တကျစီမံခန့်ခွဲနိုင်ဖို့လဲလိုပါတယ်။

အောက်မှာတော့ သင့်ရဲ့လုပ်ငန်းဆောင်တာတွေကို အကောင်းဆုံးလုပ်ကိုင်နိုင်ဖို့ လိုအပ်တဲ့အချက်တွေကို ဖော်ပြပေးလိုက်ပါတယ်။

၁။ ကိုယ့်ရဲ့လုပ်ဆောင်မှုတွေကို မကြာခဏစစ်ဆေးပါ

အမြဲသမာရိုးကျကြီးပုံစံအတိုင်းပဲ မသွားချင်ပဲကိုယ့်ရဲ့အရည်အသွေးတွေကို မြှင့်တင်ချင်တယ်ဆိုရင် ကိုယ့်ရဲ့ Schedule တွေနဲ့ လုပ်ဆောင်မှုတွေကို မကြာခဏဆိုသလို သေချာပြန်လည် စီစစ်ဖို့လိုပါတယ်။ ဒီလိုလုပ်တာဟာ ကိုယ့်မှာရှိတဲ့အရည်အချင်းကောင်းတွေ ထွက်လာမှာဖြစ်သလို ကိုယ်ရှေ့ဆက်လုပ်ရမယ့်နည်းလမ်းတွေကို ဆုံးဖြတ်ရာမှာ သေချာစီစစ်ပြီးသားဖြစ်မှာပါ။

၂။ တိကျတဲ့ ရည်မှန်းချက်တစ်ခုထားရှိပါ

ရှင်းလင်းပြီးတိကျတဲ့ ရည်မှန်းချက်ထားရှိတာက သင့်အောင်မြင်မှုဆီ မြန်မြန်ဆန်ဆန်နဲ့ အရောက်သွားနိုင်မှာဖြစ်ပါတယ်။ သင်ဟာအောင်မြင်မှုတစ်ခုတည်းကို အာရုံစိုက်လေလေ သင့်ရဲ့အောင်မြင်မှုဆီ မြန်မြန်ရောက်လေဆိုတာကို မမေ့ထားသင့်ပါဘူး။ကိုယ်ဖြစ်ချင်တဲ့ ရည်မှန်းချက်တွေများလေလေ အောင်မြင်မှုအခွင့်လမ်းနည်းလေ ဖြစ်ပါတယ်။ ကိုယ်ဦးစားပေးရမှာတွေအတွက် အချိန်သတ်မှတ်ပေးထားတာတွေက အကြောင်းမဲ့အချိန်ကုန်တာမျိုးတွေကို တားဆီးပေးမှာပါ။ ဒီလို ကိုယ့်ရဲ့Target တွေနဲ့ ဦးစားပေးရမှာတွေကို သတ်သတ်မှတ်မှတ်ထားတက်ကလည်း သင့်ကိုအထောက်အကူဖြစ်စေနိုင်ပါတယ်။

Read More>>> သုညကနေ Starbucks ထက်ပိုကြီးတဲ့လုပ်ငန်းထူထောင်နိုင်ခဲ့တဲ့ Jenny

၃။ အချိန်မဆွဲပါနဲ့

အချိန်ဆွဲတယ်ဆိုတာ လူပျင်းတွေရဲ့အလုပ်ပါ။ အလုပ်ကို အချိန်ဆွဲလုပ်လေ သင့်ကိုပိုဝန်ပိလေဖြစ်ပါတယ်။ ဆုံးဖြတ်ချက်ကို စောစောစီးစီးချပြီး လုပ်ကိုင်မယ်ဆိုရင် သင့်အတွက်အခက်ခဲဆုံးလုပ်ငန်းဖြစ်ပါစေ လွယ်ကူတဲ့လုပ်ငန်းဖြစ်သွားနိုင်ပါတယ်။ ဒါကြောင့် အချိန်မဆွဲပဲလုပ်မယ်ဆိုရင် ကိုယ့်ရဲ့ Deadline တွေကို ကောင်းမွန်စွာကိုင်တွယ်နိုင်တဲ့ လုပ်ငန်းရှင်တစ်ယောက်ဖြစ်စေမှာပါ။ ကိုယ်လုပ်ရတဲ့အလုပ်ကို ဘာကြောင့်လုပ်နေရတယ်ဆိုတာ ထဲထဲဝင်ဝင်သိမှ ကိုယ်ရွေးချယ်ရမယ့်အလုပ်ကို စဉ်းစားပြီးလုပ်မယ်ဆိုရင် အချိန်ကုန်သက်သာစေမှာဖြစ်ပါတယ်။

၎။ ကိုယ့်ရဲ့အားသာချက်တွေ ပိုမိုများလာစေဖို့ ကိုယ်မကျွမ်းကျင်တဲ့နေရာတွေမှာလုပ်ကိုင်ပါ

ကိုယ်ကျွမ်းကျင်တဲ့နေရာမှာပဲ ကိုယ့်ရဲ့လုပ်ဆောင်မှုတွေကို ချပြသင့်ပေမယ့် ကိုယ်မကျွမ်းကျင်တဲ့အရာတွေကို လုပ်ဆောင်ကြည့်ဖို့လည်း မမေ့သင့်ပါဘူး။ ကိုယ်မကျွမ်းကျင်တာတွေကို လုပ်ကိုင်တာဟာ ကိုယ်ကိုယ်တိုင် ကိုယ်ရဲ့လုပ်နိုင်စွမ်းတွေ ပေါ်ထွက်လာစေပြီး သင့်ရဲ့အောင်မြင်မှုအတွက် အင်မတန်ကိုအရေးပါတယ်လို့ ပြောရမှာပါ။

၅။ အလုပ်လုပ်ချင်စဖွယ် ပတ်ဝန်းကျင်ဖြစ်အောင်ဖန်တီးပါ

ကိုယ့်ရဲ့အလုပ်ပတ်ဝန်းကျင်ကို အလုပ်လုပ်ချင်စဖွယ် သန့်ရှင်းသပ်ရပ်အောင် ဖန်တီးထားသင့်ပါတယ်။ ဒီလိုမဟုတ်ရင် ကိုယ့်အတွက် စိတ်ညီးညူပြီး အနှောင့်အယှက်ဖြစ်စေနိုင်ပါတယ်။

၆။ အားလပ်ရပ်တွေမှာ အပန်းဖြေခရီးထွက်ပါ

အနားယူအပန်းဖြေမှုမရှိပဲ အလုပ်ကြီးပဲလုပ်နေတဲ့သူဟာ စိတ်ကူးအကြံဥာဏ်သစ်တွေ ထွက်လာဖို့ရာခိုင်နှုန်းတော်တော် နည်းပါတယ်။ ဒါကြောင့် အလုပ်ကနေအနားယူပြီး ပိတ်ရက်တွေမှာအပန်းဖြေခရီးထွက်သင့်ပါတယ်။ ဒီလိုလုပ်ဆောင်နေကျအရာတွေကနေ ခေတ္တအနားယူလိုက်တာဟာ သင့်ကိုလန်းဆန်းတက်ကြွစေပါတယ်။ အလုပ်ကိုခေါင်းထဲထည့်ပြီး လုပ်ကိုင်နေတာကောင်းပါတယ် ဒါပေမယ့် ကိုယ့်ကိုယ်ကိုဂရုစိုက်ဖို့ မမေ့သင့်ပါဘူး။ ကိုယ့်အတွက် အပန်းဖြေစေဖို့ ကုန်ကျမှုတွေကို Waste ဖြစ်တယ်လို့မတွေးပါနဲ့။

Myanmar Advertising Directory

 

Read times
Rate this item
(0 votes)