-->


လုပ်ငန်းခွင်မှာ အခက်အခဲတွေကို ကျော်လွှားနိုင်ဖို့ဆိုရင်...

လုပ်ငန်းခွင်မှာ အခက်အခဲတွေကို ကျော်လွှားနိုင်ဖို့ဆိုရင်... Google

သင်ရဲ့အချိန်တွေ အများဆုံးကုန်ဆုံးနေတဲ့လုပ်ငန်းခွင်မှာ အလုပ်ရဲ့စိတ်ဖိစီးမှုတွေကြောင့်ငြီးငွေ့လာပြီး... ပျော်ရွှင်စရာမကောင်းဘူးဆိုရင်တော့ သင့်ရဲ့အလုပ်လည်းပြီးမြောက်မှာ မဟုတ်သလို အောင်မြင်မှုနဲ့လည်းအလှမ်းဝေးနေမှာပါ။

ဒါကြောင့် သင့်ရဲ့လုပ်ငန်းခွင်မှာ သက်သောင့်သက်သာနဲ့ စိတ်ပေါ့ပါးလွတ်လပ်အောင်လုပ်ကိုင်ဖို့ အထောက်အကူပြုနိုင်မယ့်အချက်တစ်ချို့ကိုဖော်ပြလုိုက်ပါတယ်။

၁။ အချိန်ကို စီမံခန့်ခွဲမှုလုပ်ပါ။

လူတစ်ယောက်ရဲ့ဘဝမှာ အချိန်ဟာတန်ဖိုးအရှိဆုံးဖြစ်ပါတယ်။ သင့်ရဲ့တန်ဖိုးရှိတဲ့အချိန်တွေကို အကျိုးရှိရှိအသုံးချပြီး ကိုယ်လုပ်ရမယ့် လုပ်ငန်းဆောင်တာတွေအတွက် အချိန်ကိုသတ်မှတ်ထားပါ။ အချိန်ဆွဲနေတာမျိုးမလုပ်ပဲ ဆုံးဖြတ်ချက်စောစောချပြီး လုပ်စရာရှိတာတွေကို တိတိကျကျလုပ်ကိုင်ပါ။

၂။ ကိုယ့်ရဲ့ဝင်ငွေကိုလည်း စီမံခန့်ခွဲပါ။

ဝင်ငွေနည်းသည်ဖြစ်စေ၊ များသည်ဖြစ်စေ ကိုယ်ရဲ့ဝင်ငွေတွေကို အကောင်းဆုံးစီမံခန့်ခွဲလိုက်ပါ။ ဘေဘီလုံက အချမ်းသာဆုံးပုဂ္ဂိုလ်ဟာလည်း တချိန်ကသူ့ရဲ့မဖြစ်စလောက်ဝင်ငွေလေးကို အကျိုးရှိရှိစီမံခန့်ခွဲတဲ့အတွက် နောင်တချိန်မှာ အချမ်းသာဆုံးပုဂ္ဂိုလ်ဖြစ်ခဲ့ရတာပါပဲ။

၃။ ပူးပေါင်းဆောင်ရွက်ပါ။

"ပြိုင်တူတွန်းရင် ရွေ့နိုင်ပါတယ်" ဆိုတဲ့စကားပုံအတိုင်း တစ်ယောက်တည်းလုပ်ဖို့ ခက်ခဲတဲ့တချို့အရာတွေကို အသင်းအဖွဲ့အင်အားနဲ့လုပ်ကိုင်လိုက်တဲ့အခါ လွယ်ကူလျင်မြန်စွာပြီးစီးသွားစေနိုင်ပါတယ်။ တစ်ယောက်ထဲလုပ်လို့မရတာတွေလည်းရှိပါတယ်။ ဒီလိုအသင်းအဖွဲ့နဲ့ လုပ်ကိုင်ဆောင်ရွက်တဲ့အခါ ပင်ပန်းမှုတွေသက်သာစေနိုင်သလို သင့်ကိုပျော်ရွှင်မှုလည်းပေးနိုင်ပါတယ်။

Read More >>> တရားမဝင်ခွေးတိုက်ပွဲပို့စ်များမကြပ်မတ်မှုကြောင့် ဖေ့ဘွတ်ခ်ဝေဖန်ခံရ

၎။ စိတ်ဖိစီးမှုတွေရှိလာရင် အမြန်ဆုံးလျော့ချပါ။

မတူညီတဲ့ဘဝတွေထဲက မတူညီတဲ့စိတ်ဖိစီးမှုတွေကို မောင်းထုတ်လိုက်ပြီး ပေါ့ပါးလွတ်လပ်တဲ့ စိတ်အခြေအနေကိုဖန်တီးလိုက်ပါ။ ပျော်ရွှင်မှုဆိုတာ ကိုယ်ကိုယ်တိုင်ဆီမှာပဲရှိတာပါ။ ဘယ်တော့မှ တခြားနေရာ၊ တခြားသူဆီကနေ လွတ်လပ်ပျော်ရွှင်မှုတွေရဖို့ မကြိုးစားပါနဲ့။

၅။ အားလပ်ရက်တွေမှာ မိသားစုနဲ့အချိန်ကုန်ပါ။

အလုပ်ချိန်မှာ အလုပ်ကိုအာရုံစိုက်နစ်မြုပ်ပြီး လုပ်ဆောင်သလို အားလပ်ချိန်တွေကိုလည်း မိသားစုကို ဝေငှပေးသင့်ပါတယ်။ ကိုယ့်ရဲ့ချစ်ခင်တဲ့ သူငယ်ချင်း၊ မိတ်ဆွေ၊ မိသားစုတွေနဲ့ ပျော်ရွှင်တဲ့ ဘဝကိုဖန်တီးဖို့အတွက်ပေးလိုက်ရတဲ့ အားလပ်ချိန်အချို့ဟာ အောင်မြင်တဲ့လုပ်ငန်းခွင်ကို မထိခိုက်နိုင်ပါဘူး။

Myanmar Advertising Directory

 

Read times
Rate this item
(2 votes)