ဆုံးဖြတ်ချက်ချတဲ့ နေရာမှာပဲ မရပ်တန့်သွားပါနဲ့

တိုက်တွန်းချက်လေးတွေ ဖတ်ဖူး ကြားဖူး လိုက်နာဖူးကြမှာပါ။

လက်တွေ့မှာ အဲ့လိုလိုက်နာကျင့်သုံးဖြစ်သလား။ plan ဆွဲတဲ့ထိတော့ လုပ်ဖြစ်ကြမှာပါ။plan တစ်ခုဆွဲပြီး ဆုံးဖြတ်ချက်ချလိုက်ပြီ ငါ မနက်ဖြန်ကစပြီး ငါဒီတိုင်းကြိုးစားတော့မယ်ပေါ့။ မနက်ဖြန်ရောက်သွားတယ် မအားတာနဲ့ အပြင်ကပြန်လာတာ နောက်ကျတာနဲ့ အလုပ်က ပင်ပန်းလို့နဲ့ ဒီလို ဆင်ခြေပေါင်းများစွာနဲ့ ကိုယ့်အစီအစဉ် ကနောက်ကို ရက်ရွှေ့သွားပါတယ်။

မနက်ဖြန်မှ စတော့မယ်၊ နောက်နေ့မှပေါ့ ခဏနေမှစမယ် ဒီလိုနဲ့ အချိန်တွေဆွဲလာလိုက်တာ ကိုယ့်ဆွဲထားတဲ့ plan ရဲ့ နောက်ဆုံးနေ့သာ ရောက်သွားမယ် အပြင်လက်တွေ့မှာတော့ တိုးတက်သွားတာက အသက်ပဲဖြစ်နေတာလား။ ဘာကြောင့်လဲ။ အချိန်ဆွဲမိလို့ပါ။

အလုပ်တစ်ခုကို အချိန်ဆွဲရင် မနက်ဖြန်ပေါင်းများစွာကို သင်အချိန်ဆွဲမိပါလိမ့်မယ်။ စတင်လုပ်ဆောင်ပြီ ဆိုရင်တော့ အဆုံးထိ လုပ်ဆောင်ချင်စိတ်ပေါ်လာပါလိမ့်မယ်။ ဒါကြောင့် စလုပ်ဆောင်ပြီဆိုတာနဲ့ အောင်မြင်ဖို့ သင်တစ်ပိုင်းသေချာသွားပါပြီ။ စစချင်း ခြေတစ်လှမ်းကို သင်စလှမ်းလိုက်ပြီဆိုတာက နောက်က ခြေလှမ်းတွေက အလိုလိုလိုက်ပါလာပါတယ်။ သတ္တိရှိတဲ့ပထမခြေလှမ်းကို သင်စလှမ်းရဲဖို့ ပဲလိုပါတယ်။

ဆုံးဖြတ်ချက်ချပြီးတာနဲ့ စတင်လုပ်ဆောင်ဖို့လိုပါတယ်။ အချိန်ဆွဲနေမယ်ဆိုရင်တော့ အပျက်သဘော ဆောင်တဲ့စိတ်တွေဖြစ်တဲ့ ပျင်းရိခြင်းတွေ၊ ကြောက်ရွံခြင်းတွေ၊ သိမ်ငယ်ခြင်းတွေ ကိုယ့်ကိုယ်ယုံကြည်မှု လျော့နည်းလာတဲ့ စိတ်တွေ ဝင်ရောက်လာနိုင်ပါတယ်။

ဒါကြောင့်လက်တွေ့လုပ်ဆောင်ပါ။ ငါလုပ်ဆောင် နိုင်တယ်လို့ ဆုံးဖြတ်ချက်ချထားတဲ့အချိန်က ကိုယ့်ကိုယ်ကို ယုံကြည်မှု အရှိဆုံးအချိန်၊ ကြိုးစားချင်စိတ် ဇွဲ လုံ့လတွေ အပြည့်ရှိတဲ့အချိန်ဖြစ်တဲ့အတွက် ချက်ချင်း လုပ်ဆောင်ပါ။

ဆုံးဖြတ်ချက်ချပြီးရင် လက်တွေ့လုပ်ဆောင်ပါ။ ကိုယ်ချထားတဲ့ ဆုံးဖြတ်ချက်ကို တာဝန်ယူပါ။ ရလာမယ့် အောင်မြင်မှု အသီးအပွင့်ကို မိန်ရေရှက်ရေ ခံစားပါ။

Read-အောင်မြင်ခြင်း ခရီးစဉ်စဖို့ ရင်ထဲက အသံကို အရင်နားထောင်ပါ

Source; Sayar.com.mm