ဒေါ်လာ ၅၃၉ သန်းနီးပါး ပေးရန် ကယ်လီဖိုးနီးယား ခုံသမာဓိအဖွဲ့က အမိန့်ချမှတ်ခဲ့ပါတယ်။
Apple အနေနဲ့ အမှုကိုအနိုင်ရခဲ့ပေမယ့် နစ်နာကြေးပမာဏအတွက် သဘောထားကွဲလွဲနေပါတယ်။
Apple အနေနဲ့ နစ်နာထိခိုက်ကြေး ဒေါ်လာ ၁ ဘီလျံရလိုပေမယ့် Samsung က ဒေါ်လာ ၂၈ သန်းပဲ ပေးချေလိုတယ်လို့သိရပါတယ်။
အခုဆုံးဖြတ်ချက်ဟာ တောင်ကိုရီးယားကုမ္ပဏီအတွက် ကြီးမားတဲ့ထိုးနှက်ချက်ဖြစ်ပါတယ်။
Samsung အနေနဲ့ ဒီဇိုင်းပိုင်းမူပိုင်ခွင့် ချိုးဖောက်မှုအတွက် ဒေါ်လာ ၅၃၃.၃ သန်းပေးရမှာ ဖြစ်သလို utility မူပိုင်ခွင့်တွေ ချိုးဖောက်မှုအတွက်
ဒေါ်လာ ၅.၃ သန်း ထပ်ဆောင်ပေးရမယ်လို့ ခုံသမာဓိအဖွဲ့က ဆုံးဖြတ်ခဲ့ပါတယ်။
“ဒီဇိုင်းပိုင်းမူပိုင်ခွင့် ထိခိုက်နစ်နာမှုနဲ့ Samsung အပေါ် တရားရုံးချုပ်က တညီတညွှတ်တည်း ဆုံးဖြတ်ခဲ့ပါတယ်။
ကျွန်တော်တို့အနေနဲ့ ကုမ္ပဏီတွေနဲ့ သုံးစွဲသူတွေအားလုံးအတွက် မျှမျှတတ ပြိုင်ဆိုင်မှုနဲ့ ဖန်တီးမှုကို မတားဆီးဘဲ အကျိုးရလဒ်တွေရယူဖို့
option အားလုံးကို စဉ်းစားသွားမှာ ဖြစ်ပါတယ်” လို့ Samsung က ထုတ်ပြန်ခဲ့ပါတယ်။
Apple ကလည်း လုံးဝခြားနားတဲ့ထုတ်ပြန်ချက်ကို ကြေညာခဲ့ပါတယ်။
“ကျွန်တော်တို့အနေနဲ့ ဒီဇိုင်းအပေါ်တန်ဖိုးထားမှုကို အလွန်ယုံကြည်ပါတယ်။
ကျွန်တော်တို့အဖွဲ့တွေအနေနဲ့ သုံးစွဲသူတွေ စိတ်ကျေနပ်စေမယ့် ထုတ်ကုန်တွေကိုဖန်တီးဖို့ အင်ပြည့်အားပြည့်နဲ့ လုပ်ကိုင်ထားပါတယ်။
Apple ဟာ iPhone နဲ့အတူ စမတ်ဖုန်းကို တော်လှန်ပြောင်းလဲဖို့ အရှိန်မြှင့်ခဲ့ပါတယ်။ Samsung ဟာ ကျွန်တော်တို့ရဲ့ဒီဇိုင်းကို ဗြောင်ကျကျပဲ ခိုးယူခဲ့တယ်ဆိုတာ အမှန်တရားပါ” လို့ Apple က ထုတ်ပြန်သွားခဲ့ပါတယ်။
Read-ဒေတာ အရှုပ်အရှင်းတွေ ရှိခဲ့ပေမယ့်လည်း အကျိုးအမြတ်ပိုရသွားတဲ့ Facebook
Source; internet
Sign In with Google