အသက် ၃၀ အောက်မှာကိုယ်ပိုင်လုပ်ငန်းစတော့မယ်ဆိုရင် သိထားရမယ့်အချက် (၅) ချက်

ဘာမှ စိတ်မပူပါနဲ့ တကယ်က ငယ်ရွယ်တုန်းအချိန်ဟာ ကိုယ်ပိုင်စီးပွားရေးတစ်ခုစဖို့ အကောင်းဆုံး အချိန်တစ်ခုပါပဲ။ လုပ်ငန်းရှင်ဖြစ်အောင် ကြိုးစားမယ်လို့ လုံးဝဆုံးဖြတ်ချက်ချပြီးပြီဆိုရင်တော့ အသက် ၃၀ အောက်အရွယ်တွေအတွက် စီးပွားရေးတစ်ခုစဖို့ ဘာတွေသိထားသင့်လဲဆိုတာ ပြောပြပေးပါမယ်။

(၁) ကိုယ့်ရဲ့ အားနည်းချက်ကို အရင်သိအောင်ကြိုးစားပါ

လူတိုင်းက ဘာပဲလုပ်လုပ် ကိုယ့်ရဲ့ အားနည်းချက်ကို အရင်သိအောင် ကြိုးစားရပါမယ်။ အသက် ၃၀ အောက် လူငယ်အများစုရဲ့ အားနည်းချက်ကတော့ အတွေ့အကြုံနည်းတာပါ။ ဒီတော့ ဒီအားနည်းချက်ကို ထေနိုင်ဖို့အတွက် တခြားအားသာချက်တွေနဲ့ ဖြည့်ဆည်းရမှာပါ။ကိုယ့်မှာ အတွေ့အကြုံမရှိရင် အတွေ့အကြုံရှိသူနဲ့ လက်တွဲအလုပ်လုပ်တာ၊ ကိုယ့်ကို နည်းပေးလမ်းပြလုပ်နိုင်မယ့် ပုဂ္ဂိုလ်တွေကို ဆည်းကပ်တာ ဒါမှမဟုတ် အသိပညာ နဲ့ စာတွေ့တွေ များများရှိလာအောင် ကြိုးစားသင့်ပါတယ်။

(၂) စာရင်းဇယား နိုင်နင်းပါစေ

လုပ်ငန်းခွင်တစ်ခုရဲ့အသက်ဟာ စာရင်းဇယားပါပဲ။ လုပ်ငန်းရှင်ကလည်း တော်တယ်၊ အလုပ်လည်း ဖြစ်တယ်၊ ငွေတွေလည်း ဝင်တယ်ဆိုပေမဲ့ စာရင်းဇယား မနိုင်နင်းတာကြောင့် ကျဆုံးသွားတဲ့ လုပ်ငန်းတွေ အများကြီးပါ။

ကိုယ်တိုင် စာရင်းအင်းပညာ မကျွမ်းကျင်ရင်တောင် အခြေခံလောက် သိနားလည်ထားသင့်ပါတယ်။ စာရင်းဇယား ကျွမ်းကျင်သူတစ်ယောက်ကို ငှားရမ်းကာ ကိုယ့်လုပ်ငန်းရဲ့ စာရင်းတွေကို တာဝန်ယူခိုင်းပြီး ကိုယ်တိုင်က မကြာမကြာ စစ်ဆေးနိုင်ရင် အကောင်းဆုံးပါ။

(၃) စွန့်စားဖို့ ဝန်မလေးပါနဲ့

လူကြီးတွေမှာ မရှိတဲ့ လူငယ်တွေရဲ့ အားသာချက်တစ်ခုက စွန့်စားလိုစိတ်ပါပဲ။ ငယ်ရွယ်သေးတဲ့အပြင် ငဲ့ကွက်စရာလည်း မရှိလေတော့ ဖြစ်ချင်ရာဖြစ် ငါလုပ်မယ်ဆိုတဲ့ စိတ်ကလေး ရှိကြပါတယ်။ ဒါဟာ ကောင်းတဲ့အချက်ပါ။ ကိုယ်ပိုင် စီးပွားရေးလုပ်မယ်ဆိုရင် ဒီစိတ်ဓာတ်လေး မပျောက်ပျက်ပါစေနဲ့။စွန့်စားဖို့ ဝန်မလေးပါနဲ့။ အကယ်၍ ရှုံးနိမ့်မှုတွေ၊ အမှားတွေ ရှိတယ်ဆိုရင်တောင် ပြင်ဆင်ဖို့ အချိန်တွေ အများကြီး ကျန်ပါသေးတယ်။

(၄) အလောမကြီးပါနဲ့

လူငယ်တွေဆိုတော့ ဘာမဆို လုပ်လိုက်မယ်၊ ကိုင်လိုက်မယ်ဆိုတဲ့ စိတ်နဲ့ တက်ကြွကြတာပေါ့။ ဒါပေမဲ့ အလောတော့ မကြီးစေချင်ပါဘူး။ ဆုံးဖြတ်ချက်မှားတာနဲ့ အချိန်တွေ ငွေတွေ ဆုံးရှုံးနိုင်တယ်လေ။ ဘာပဲ ဆုံးဖြတ်ချက်ချချ သေသေချာချာ အချိန်ယူစဉ်းစား၊ သိနားလည်သူတွေနဲ့ တိုင်ပင်ဆွေးနွေးပြီးမှ ဆုံးဖြတ်ချက်ချတာ မမှားပါဘူး။

(၅) ဒါဟာ အဆုံးသတ် မဟုတ်ပါဘူး

ကိုယ်ပိုင်လုပ်ငန်းဆိုတော့ စိုးရိမ်စိတ်တွေပိုများမှာပေါ့။ အချိန်တွေ၊ ငွေတွေရင်းနှီးမြှုပ်နှံထားရတာလေ။ ဆုံးရှုံးသွားရင်တော့ ငါတော့သွားပြီ ဆိုတဲ့အတွေးက ကိုယ့်ကိုဖိစီးနေနိုင်ပါတယ်။ စိတ်မပူပါနဲ့လေ။ အဲဒီလို ဖိစီးမှု များတာက မှားယွင်းတဲ့ ဆုံးဖြတ်ချက်တွေ ချမိစေပါတယ်။ဒါကြောင့် စိတ်ထဲမှာ ဒီလို အတွေးလေး တွေးထားလိုက်ပါ။ ဒီလုပ်ငန်း အောင်မြင်သည်ဖြစ်စေ ဆုံးရှုံးသည်ဖြစ်စေ ကိုယ်ကတော့ ရှိနေမှာပါ။ (သေမသွားပါဘူး) အသက်ရှင်နေသမျှ နောက်တစ်ကြိမ်ကြိုးစားခွင့်ရှိတာပဲလေ။ ငွေကြေးအားဖြင့် အမြတ်အစွန်း မရရင်တောင် အသိပညာတွေ၊ အတွေ့အကြုံတွေက ကိုယ့်အတွက် အမြတ်ပါပဲ။ ဒါကြောင့် စိုးရိမ်စိတ်ကို ဖယ်ရှားပြီး ကိုယ်လုပ်ရမယ့် အရာတွေကို အကောင်းဆုံး လုပ်လိုက်ပါ။

ဒီလောက်ဆိုရင် အသက် ၃၀ အောက်လူငယ်တွေ ကိုယ်ပိုင်လုပ်ငန်းတစ်ခုတည်ထောင်ဖို့ ခွန်အားတွေရသွားကြမယ်လို့ မျှော်လင့်ပါတယ်။ ဒီလုပ်ငန်းကနေ တစ်ဆင့် အောင်မြင်တဲ့ စီးပွားရေးလုပ်ငန်းရှင်ကြီးတွေအဖြစ် တက်လှမ်းနိုင်ကြပါစေလို့ ဆုတောင်းပေးလိုက်ပါတယ်။

Credit;Sugar Cane (For Her Myanmar)