-->


Youtube ဗီဒီယိုကနေ ကြော်ငြာခတွေ သန်းချီရနေကြတဲ့ နာမည်ကြီး (၁၀)ယောက်

Youtube ဗီဒီယိုကနေ ကြော်ငြာခတွေ သန်းချီရနေကြတဲ့ နာမည်ကြီး (၁၀)ယောက် Googe

Youtube မှာ ဗီဒီယိုလေးတွေတင်ရုံနဲ့ ဒေါ်လာသန်းနဲ့ချီရနေတဲ့သူတွေ ရှိတယ်ဆိုတာကို မသိသေးတဲ့ သူတွေအတွက်အနည်းငယ် အထူးအဆန်းဖြစ်နိုင်ပါတယ်။

Youtube က ဗီဒီယိုတွေကြည့်တဲ့အခါ ကြော်ငြာတွေ ကြားဖြတ်ဝင်တာ မကြာခဏမြင်ဖူးကြပါလိမ့်မယ်။ အဲဒီကနေ ၀င်ငွေရကြတာပါ။ ကြော်ငြာချင်တဲ့ ကုမ္ပဏီတွေက Youtube ကို ကြော်ငြာခပေးရတာဖြစ်ပြီး၊ Youtube ကနေ ဗီဒီယိုတင်တဲ့သူတွေကို ပြန်ခွဲပေးတာဖြစ်ပါတယ်။ ဒီနည်းလမ်းနဲ့ Youtube ပေါ်မှာ ပိုက်ဆံရှာနေသူပေါင်းကလည်း သိန်းနဲ့ချီရှိပါတယ်။ ကိုယ့်ရဲ့ ဗီဒီယိုကို ကြည့်ရှုသူများလေလေ ပိုက်ဆံပိုရလေလေပါပဲ။ တကယ့်နာမည်ကြီးတွေကတော့ ဗီဒီယို အတိုလေးတစ်ခုတင်လိုက်ရုံနဲ့ ဒေါ်လာထောင်ချီ၊ သောင်းချီရကြပါတယ်။ အဲဒီလိုရှာဖွေတဲ့သူအများအပြားထဲမှာ ထိပ်ဆုံးကနေ ဦးဆောင်နေသူ (၁၀)ယောက်ကို ဖော်ပြပေးလိုက်ပါတယ်။

၁။ Ryan ToysReview (ဒေါ်လာ ၂၂ သန်း)

နံပါတ် ၁မှာ ရောက်ရှိနေတဲ့သူက အသက် ၈နှစ်ကျော်ပဲ ရှိတဲ့ ကလေးငယ်လေး ဖြစ်ပါတယ်။ မိဘတွေက သူ့သားဆော့တဲ့ ဗီဒီယိုကို Youtube ပေါ်တင်ရာက ကြည့်ရှု သူတဖြည်းဖြည်းများလာခဲ့ပြီး အခုဆိုရင် စီးပွားရေးလုပ်ငန်းတစ်ခုလို လုပ်ကိုင်နေတာပဲ ဖြစ်ပါတယ်။ သူရဲ့ Channel မှာတော့ တနေ့တစ်မျိုးမရိုးအောင် နည်းမျိုးစုံနဲ့ ဆော့ကစားတဲ့ ကလေးငယ်လေးရဲ့ ဗီဒီယိုတွေကို တင်လေ့ရှိပါတယ်။ တစ်ကမ္ဘာလုံးက ကလေးတော်တော်များများဟာ Ryan ရဲ့ ပရိတ်သတ်တွေဖြစ်ပါတယ်။ ၂၀၁၅ ခုနှစ်မှ Youtube ကို စတင်ဝင်ရောက်ခဲ့ပေမယ့် ၂၀၁၈မှာတော့ အားလုံးကိုကျော်တက်ခဲ့တဲ့ Ryan ကို အားပေးသူပေါင်းက ၁၈.၃သန်း ဖြစ်ပါတယ်။ သူ့ရဲ့ ဗီဒီယိုကို ကြည့်ရှုတဲ့အကြိမ်ပေါင်းကတော့ ၂၇.၆ ဘီလျံဖြစ်ပါတယ်။

၂။ Jake Paul (ဒေါ်လာ ၂၁.၅ သန်း)

သူကတော့ အမေရိကန် သရုပ်ဆောင် နဲ့ အင်တာနက်စတား တစ်ယောက်ဖြစ်ပြီး အသက် ၂၂နှစ်ပဲ ရှိပါသေးတယ်။ နာမည်အရင်းက Jake Joseph Paul ဖြစ်ပြီး Youtube ပေါ်ကို ၂၀၁၃ ခုနှစ်က ရောက်ရှိလာခဲ့တာပါ။ ဟာသ၊ အပြောင်အပျက် ဗီဒီယိုတွေ၊ ထင်မြင်ချက်တွေအပြင် သူ့ရဲ့ ထုတ်ကုန်တွေကို သူ့ရဲ့ ချန်နယ်မှာ တင်လေ့ရှိပါတယ်။ သူဟာ နံပါတ် ၁၀ မှာ ရှိနေတဲ့ Logan Paul နဲ့လည်း ညီအစ်ကို တော်ပါတယ်။ သူ့ရဲ့ subscriber ပေါင်းကတော့ ၁၈ သန်းဖြစ်ပြီး သူ့ဗီဒီယိုတွေကို ကြည့် ရှုတဲ့အကြိမ်ပေါင်းကတော့ ၅.၅ဘီလျံ ဖြစ်ပါတယ်။

၃။ Dude Perfect (ဒေါ်လာ သန်း ၂၀ )

၂၀၁၈ ခုနှစ်တစ်နှစ်တည်းမှာပဲ Youtube ပေါ်ကနေ ဒေါ်လာ သန်း ၂၀ ရှာဖွေထားနိုင်တဲ့ Dude Perfect ကတော့ တစ်ယောက်တည်း မဟုတ်ပဲ အသက် ၂၈နှစ်ကနေ ၃၃နှစ်အရွယ်အထိရှိတဲ့ လူ၅ယောက်နဲ့ ဖွဲ့စည်းထားတာပါ။ သူတို့ဟာ အထက်တန်းကျောင်း ဘတ်စ်ကတ်ဘောတစ်သင်းတည်းက ကစားသမားတွေဖြစ်ပြီး တက္ကသိုလ်တက်တော့လည်း တက်စ်ဆက်မှာပဲ အတူတူတက်ခဲ့ကြသူတွေပါ။ သူတို့အဖွဲ့ရဲ့ Channel မှာတော့ အားကစားနဲ့ဆိုင်တဲ့ Trick တွေ၊ ဟာသဗီဒီယိုတွေအပြင် သူတို့ရဲ့ ထုတ်ကုန်တွေကိုလည်း ရောင်းတတ်ပါသေးတယ်။ သူ တို့ကိုနှစ်သက်သူပေါင်း ၃၉.၂ သန်းရှိပြီး သူတို့ရဲ့ ဗီဒီယိုတွေကို ကြည့်ရှုတဲ့အကြိမ်ပေါင်းကတော့ ၇.၂ဘီလျံ ရှိနေပါပြီ။

ကမ္ဘာကျော် Adidas ကုမ္ပဏီကို ဘယ်လိုအခက်အခဲတွေနဲ့တည်ထောင်ခဲ့တာလဲ...?

၎။ DanTDM (ဒေါ်လာ ၁၈.၅သန်း)

သူကတော့ အသက် ၂၇နှစ်အရွယ် ဗြိတိန်အင်တာနက်စတား တစ်ယောက်ဖြစ်ပြီး နာမည်အရင်းက Daniel Robert Middleton ဖြစ်ပါတယ်။ ပရော်ဖက်ရှင်နယ် Gammer တစ်ယောက်ဖြစ်ပြီး စာရေးဆရာလည်း ဖြစ်ပါတယ်။ သူ့ရဲ့ Channel မှာတော့ ဂိမ်းနဲ့ဆိုင်တဲ့ဗီဒီယိုတွေ၊ သူ့ရဲ့ ထင်မြင်ချက်တွေအပြင် သူ့ရဲ့ ထုတ်ကုန်တွေပါ ကြေငြာaလ့ရှိပါတယ်။ ဒါကို အားပေးတဲ့ ပရိသတ်ပေါင်း ၂၁.၂ သန်းရှိပြီး သူ့ရဲ့ ဗီဒီယိုတွေကိုတော့ အကြိမ်ပေါင်း ၁၄ဘီလျံကျော် ကြည့်ရှုပြီးကြပါပြီ။

၅။ Jeffree Star ( ဒေါ်လာ ၁၈သန်း)

အင်တာနက်ပေါ်မှာ လူသိများတဲ့ Jeffree Star ကတော့ အမေရိကန်လူမျိုး မိတ်ကပ်ပညာရှင် တစ်ယောက်ဖြစ်ပါတယ်။ သူဟာ အဆိုတော်၊ သီချင်းရေးဆရာ မော်ဒယ် နဲ့ စွန့်ဦးတီထွင် လုပ်ငန်းရှင်တစ်ယောက်ဖြစ်ပြီး Jeffree Star အလှကုန် ကုမ္ပဏီကို တည်ထောင်ထားသူလည်းဖြစ်ပါတယ်။ သူ့ရဲ့ Channel မှာတော့ မိတ်ကပ်လိမ်းပုံလိမ်းနည်းမျိုးစုံနဲ့ မိတ်ကပ်တွေ၊ အလှကုန်တွေအကြောင်း review ဗီဒီယိုတွေကို တင်လေ့ရှိပါတယ်။ subscriber ပေါင်း ၁၃.၁၂သန်း ရှိပြီး သူ့ရဲ့ tutoriral ဗီဒီယိုတွေ ကို ကြည့်ရှုကြတဲ့ အကြိမ်အရေအတွက်ကတော့ ၁.၄ဘီလျံပါ။

၆။ Markiplier (ဒေါ်လာ ၁၇.၅သန်း)

သူ့ရဲ့ နာမည်အရင်းကတော့ Mark Edward Fischbach ဖြစ်ပြီး လူသိများတဲ့ အမေရိကန် Youtuber တစ်ယောက်ဖြစ်ပါတယ်။ အရင်ကတော့ ဟာဝိုင်ယီ က ဟိုနိုလူလူ မှာနေခဲ့ပေမယ့် အိုဟိုင်းယိုးကို ပြောင်းလာခဲ့ပြီးတဲ့နောက်မှ သူ့ရဲ့ လုပ်ငန်းကို စခဲ့တာပါ။ သူ့ရဲ့ Youtube Channel မှာတော့ ကြောက်လန့်ဖွယ်ရာ Horror ဂိမ်းတွေအပြင် ဟာသ နဲ့ အန်နီမေးရှင်း ဗီဒီယိုတွေကို တင်လေ့ရှိသူပါ။ သူ့ Channel ကို နှစ်သက်သူပေါင်း ၂၃.၃သန်း ရှိပြီး သူ့ဗီဒီယိုတွေကို ကြည့်ရှုတဲ့အကြိမ်အရေအတွက်ကတော့ ၁၀.၇၅ ဘီလျံ ဖြစ်ပါတယ်။ ပြီးခဲ့တဲ့နှစ်ကတော့ သူ့ရဲ့ ၀င်ငွေက ၁၂.၅ သန်းပါ။ သူဟာ Youtube ကအပြင် နာမည်ကြီး အင်္ကျီတံဆိပ်တွေကို ကြေငြာခြင်းကနေ ၀င်ငွေရ ရှိနေပါသေးတယ်။

၇။ VanossGaming (ဒေါ်လာ ၁၇သန်း)

Youtube နာမည်က VanossGaming ဖြစ်ပေမယ့် သူ့ရဲ့ နာမည်အရင်းကတော့ Evan Fong ဖြစ်ပြီး အသက် ၂၆နှစ်ပဲ ရှိသေးတဲ့ အိုင်ယာလန် လူငယ်တစ်ယောက်ဖြစ်ပါတယ်။ ဂိမ်းပြိုင်ပွဲကြေငြာတာတွေ၊ ဂိမ်းအကြောင်းပြောတာတွေ၊ ဂိမ်းဆော့ပြတာတွေ စတဲ့ ဂိမ်းနဲ့ဆိုင်တဲ့ ဗီဒီယိုတွေ တင်လေ့ရှိသူပါ။ subscriber ပေါင်း ၂၄.၃ သန်းရှိ ပီး သူ့ဗီဒီယိုတွေကို ကြည့်ရှုတဲ့အကြိမ်ပေါင်းက ၁၀.၆ ဘီလျံဖြစ်ပါတယ်။

စာသားရှည်ရှည်ရေးပြီး အောင်မြင်ခဲ့တဲ့ကြော်ငြာ (၉)ခု

၈။ Jacksepticeye (ဒေါ်လာ ၁၆ သန်း)

သူ့ကို online မှာတော့ Nickname ရဲ့ အတိုကောက် Jack လို့ပဲခေါ်ကြပါတယ်။ နာမည်အရင်းက Sean William McLoughlin ဖြစ်ပြီး အသက် ၂၈နှစ်ပဲရှိသေးတဲ့ အိုင်းရစ်လူမျိုးတစ်ယောက်ပါ။ ၂၀၀၇ခုနှစ်ကတည်းက Youtube မှာ ရှိနေနှင့်ပြီဖြစ်ပြီး ဂိမ်မာတစ်ယောက်ဖြစ်တာကြောင့် ဂိမ်းဗီဒီယိုတွေကို အဓိကတင်လေ့ရှိသူပါ။ အခုနောက်ပိုင်းမှာတော့ ဟာသဗီဒီယိုတွေအပြင် တိုက်ရိုက် Live လွှင့်တာတွေကိုပါ ပြုလုပ်လာပါပြီ။ သူကိုနှစ်သက်သူပေါင်းကတော့ ၂၁.၆ သန်းဖြစ်ပြီး စုစုပေါင်း သူ့ရဲ့ ဗီဒီယို တွေကို ကြည့်ထားတဲ့အကြိမ်ပေါင်းကတော့ ၁၀.၇ ဘီလျံ ဖြစ်ပါတယ်။

၉။ PewDiePie ( ဒေါ်လာ ၁၅.၅သန်း)

သူကတော့ ၂၀၁၀ ခုနှစ်တည်းက Youtube မှာ နာမည်ကြီးနေပြီဖြစ်တဲ့ ထိပ်တန်း Youtuber တစ်ယောက်ဖြစ်ပါတယ်။ အရင်ကတော့ သူဟာ ထိပ်ဆုံးနေရာတွေကို အမြဲရခဲ့ပေမယ့် ဒီဘက်နှစ်ပိုင်းမှာတော့ သူ့ကိုကျော်တက်ကုန် ကြပါပြီ။ ဆွီဒင်နိုင်ငံသားတစ်ယောက်ဖြစ်တဲ့ သူ့ရဲ့ နာမည်အရင်းက Felix Kjellberg ဖြစ်ပြီး အသက် ၂၉နှစ်ပဲ ရှိပါသေးတယ်။ သူကတော့ ကမ္ဘာကျော်တွေရဲ့ ဗီဒီယိုတွေ၊ ဟာသတွေ၊ ရုပ်ရှင် အကြောင်းတွေကို တင်လေ့ရှိသူပါ။ သူ့ရဲ့ subscriber ပေါင်းကတော့ ၈၆.၈သန်း ဖြစ်ပြီး သူ့ရဲ့ ဗီဒီယိုကို ကြည့်ရှုတဲ့ အကြိမ်ပေါင်းကတော့ ၂၀.၅ ဘီလျံတောင် ရှိနေပါပြီ။ သူ့ရဲ့ စုစုပေါင်း ကြွယ်ဝမှုကတော့ ဒေါ်လာ သန်း ၅၀ အထက်မှာ ရှိနေပါပြီ။

၁၀။ Logan Paul ( ဒေါ်လာ ၁၄.၅သန်း)

Logan Paul ကတော့ အသက် ၂၃နှစ်ပဲ ရှိတဲ့ အမေရိကန်လူငယ်လေးတစ်ယောက်ဖြစ်ပါတယ်။ သူဟာ ယူကျုကို ၂၀၁၅ ဩဂုတ်လမှ ရောက်ရှိလာခဲ့တာပါ။ သူဟာ သရုပ်ဆောင်တစ်ယောက်ဖြစ်သလို အင်တာနက်ပေါ်မှာ နာမည်ကြီးတစ်ယောက်လည်း ဖြစ်ပါတယ်။ ဟာသ၊ ခရီးသွား၊ အထူးအဆန်း ဗီဒီယိုလေးတွေ တင်တတ်သူဖြစ်ပြီး သူ့ရဲ့ Follower ပေါင်းက ၁၈.၈သန်း တောင်ရှိပါတယ်။ ဒါပေမယ့် ပြီးခဲ့တဲ့နှစ်က ဂျပန်နိုင်ငံသစ်တောက ကြိုးဆွဲချတဲ့ သူတစ်ယောက်ရဲ့ ဗီဒီယိုကို တင်ခဲ့တဲ့အတွက် Youtube ရဲ့ ဘန်းခြင်းကိုခံခဲ့ရပါတယ်။ ဒီအတွက် သူတောင်းပန်ခဲ့ပေမယ့် ပြီးခဲ့တဲ့ နှစ် နောက်ဆုံး ၃လမှာ သူ့ရဲ့ ၀င်ငွေ ဟာ အနည်းငယ်ပဲ ရှိခဲ့ပါတယ်။ ဒါတောင်မှ တစ်နှစ်လုံးမှာ သူရှာခဲ့တဲ့ငွေက ဒေါ်လာ ၁၄.၅ သန်းဖြစ်ပါတယ်။ သူ့ရဲ့ ဗီဒီယိုကို ကြည့်ရှုတဲ့အကြိမ်ပေါင်းကတော့ ၄.၂၆ ဘီ လျံ တောင်ရှိနေပါပြီ။

Source; Thutazone
Myanmar Advertising Directory

Read times
Rate this item
(0 votes)