-->


ဝင်ငွေနဲ့ ထွက်ငွေ မမျှမတဖြစ်နေတာကို ဖြေရှင်းပေးမယ့် အချက်(၅)ချက်

ငွေဟာ အဝင်ခက်ပြီး အထွက်ကြမ်းတဲ့ သဘောမှာ ရှိပါတယ်။ လတိုင်း ငွေရှာနေပေမယ့် ချမ်းသာသွားပါတယ်ဆိုတဲ့ လူက ခပ်ရှားရှားရယ်...

အောက်မှာဖော်ပြထားတဲ့ အချက်(၅)ချက်ကတော့ လူတိုင်းသိထားပေမယ့် သတိမထားမိတဲ့ ငွေကြေးဆိုင်ရာ လိုက်နာသင့်တဲ့ အခြေခံစည်းမျဉ်းတွေပဲဖြစ်ပါတယ်။

(၁) အသေးအဖွဲ ဝယ်တာ သတိမပြုမိခြင်း

ဒီနေ့ ပိုက်ဆံဘယ်လောက် သုံးမိလဲ ပြန်တွေးမိပါသလား။ တခါတလေ ငွေသောင်းဂဏန်း ၊ သိန်းဂဏန်း ကုန်တဲ့ ပစ္စည်းဝယ်တာပဲ တွက်လို့ ရပြီး ကျန်တာ စာရင်းပျောက်နေတာ ကြုံမှာပါ။ ဒါက တကယ့်ကို ယိုပေါက်ပါ။ တော်ရုံနဲ့တော့ ငွေအပုံလိုက်ကြီး ကုန်မယ့် ကိစ္စဟာ တစ်လကို သုံး-လေးခါထက် မလာပါဘူး။ အသေးအမွှား အသုံးစရိတ်ကို စိစစ်တာဟာ ချမ်းသာသူတွေရဲ့ အကျင့်ထဲမှာ ပါပါတယ်။

(၂) ခရစ်ဒစ်ကတ်နဲ့ ဈေးဝယ်တာ

ငွေသားတွေရဲ့ အားသာချက်တစ်ခုက သုံးရင်းနဲ့ ဘယ်လောက်တော့ ကုန်သွားပြီဆိုတာကို စိတ်နဲ့ ကိုယ် အလိုလို ဒက်ခနဲ သိနေတာ ဖြစ်ပါတယ်။ Credit Card နဲ့ ငွေချေရင်တော့ ကတ်ထဲ ဘယ်လောက်ကျန်သလဲ ဆိုတာလည်း မသိရ ၊ နောက်ပြီး လစဉ် အတိုးကလည်း တရိပ်ရိပ်တက်နဲ့ သုံးဖို့ လွယ်ပြီး ဆပ်ဖို့ခက်တဲ့ ကိန်းကြုံမှာပါ။ ဒီကနေမှ အကြွေးသံသရာထဲကနေ မထွက်နိုင်တာမျိုး ဖြစ်လာဖို့ရှိပါတယ်။

(၃) အကြွေးကင်းမှ ငွေစုပါ၊ ရင်းနှီးမြှုပ်နှံပါ

Read More >>> Startup လုပ်ကိုင်မယ့်လူငယ်တွေ အခက်အခဲတွေရှိလာတဲ့အခါ ဘယ်လိုဖြေရှင်းသင့်လဲ

အကြွေးယူပြီး အလုပ်လုပ်တာဟာ စွန့်စားမှု များပါတယ်။ မမှန်ဘူးလို့ မပြောနိုင်ပေမယ့် ဖြစ်နိုင်ရင် အကြွေးကို အရင်ရှင်းပြီးမှ အလုပ်လုပ်တာ ကောင်းပါတယ်။ နောက်တစ်ခု သတိထားသင့်တာက ငွေစုမယ်ဆိုရင်လည်း အရင်ဆုံး အကြွေးတွေ ချေပြီးမှ စုဆောင်းသင့်တယ်။ ဒါမှသာ ကိုယ်စုထားသမျှ အဖတ်တင်မှာ ဖြစ်ပါတယ်။

(၄) ဝင်ငွေရဲ့ ၁၀% ကို မစုဆောင်းမိခြင်း

အခြေခံကျတဲ့ စည်းမျဉ်းတစ်ခုက လုပ်ငန်းတစ်ခု မထူထောင်နိုင်သေးချိန်မှာ ကိုယ့်ရဲ့ လစဉ် ဝင်ငွေထဲကနေ ၁၀% စုဆောင်းတာမျိုး လုပ်တာက အမှန်ဆုံးနဲ့ အလွယ်ဆုံးပါပဲ။ စုထားတဲ့ ငွေအရင်းအနှီး ရှိလာပြီဆိုရင် ကိုယ်လုပ်ချင်တာလေးတွေ စိတ်အေး လက်အေး လုပ်နိုင်မှာ ဖြစ်ပါတယ်။

(၅) အိမ်မဝယ်ဘဲ ငှားနေခြင်း

အိမ်တစ်လုံး ဝယ်ဖို့ဆိုတာ တော်တော်လေး ခက်တာ မှန်ပါတယ်။ ဒါပေမယ့် အိမ်ပဲ ငှားနေပြီး ကိုယ်ပိုင် အိမ်ဝယ်ဖို့ မကြိုးစားတာက ရှာထားသမျှ သဲထဲ ရေသွန် ဖြစ်စေမယ့် ကိစ္စ ဖြစ်ပါတယ်။ ချမ်းသာချင်ရင် ကိုယ်ပိုင်ဘဝကို ကိုယ့်ခြေထောက်ပေါ် ရပ်နိုင်အောင် အထိ အရင်ဆုံး ကြိုးစားနေရမှာပါ။

Credit- Kwee

Myanmar Advertising Directory

Read times
Rate this item
(0 votes)