-->


Billboard မှာ ကြော်ငြာမယ်ဆိုရင် ဘာတွေ ဆောင်သင့်၊ ရှောင်သင့်လဲ

ကြော်ငြာဆိုင်းဘုတ် ( Billboard ) ဆိုတာ ၁၈၉၄ ခုနှစ်ကတည်းက စတင် ပေါ်ပေါက်ခဲ့တာ ဖြစ်ပါတယ်။ အခုဆိုရင် နှစ်ပေါင်း ၁၂၅ နှစ် သက်တမ်း ရှိနေပါပြီ။

ကြော်ငြာဆိုင်းဘုတ် ( သို့ ) Billboard Advertising ( သို့ ) OOH ( Out of Home ) Advertising ( သို့ ) Outdoor Advertising စသဖြင့် အမျိုးမျိုး သုံးနှုန်း ခေါ်ဝေါ်ကြပါတယ်။

စီးပွားရေးလုပ်ငန်းတွေအနေနဲ့ မိမိတို့ရဲ့ ထုတ်ကုန်ပစ္စည်း ဒါမှမဟုတ် ၀န်ဆောင်မှုလုပ်ငန်းတွေကို လူအများ သိရှိအောင် ကြော်ငြာတော့မယ်ဆိုရင် ဘယ်ချန်နယ်ကို အသုံးပြုပြီး ကြော်ငြာရင် ထိရောက်မလဲဆိုတာ သေချာ စဉ်းစားဖို့ အရေးကြီးပါတယ်။

တီဗွီမှာ ကြော်ငြာမှာလား၊ ရေဒီယိုကနေ ကြော်ငြာမလား၊ သတင်းစာနဲ့ ဂျာနယ်တွေမှာ ကြော်ငြာထည့်မှာလား၊ ဆိုင်းဘုတ်ထောင်ပြီး ကြော်ငြာမှာလား၊ အခုဆိုရင် Social Media တွေလည်း အရမ်းကို ခေတ်ထနေလေတော့ ဖေ့စ်ဘုတ်၊ မက်ဆင်ဂျာ စတာတွေကနေတစ်ဆင့် ကြော်ငြာမလား။ ကြော်ငြာလို့ ရတဲ့ နည်းလမ်းတွေကတော့ အများကြီးပါ။

ဒီထဲမှာမှ Billboard Advertising ဟာ ဘာကြောင့် နှစ်ပေါင်း ၁၀၀ ကျော်နေသည့်တိုင်အောင် အောင်မြင်နေတုန်းလဲ ဆိုတာ စိတ်ဝင်စားစရာပါ။ အောက်က အချက်လေးတွေကို ဖတ်ကြည့်လိုက်မယ်ဆိုရင်တော့ ဘာကြောင့်ဆိုတာ သေချာ ရှင်းရှင်းလင်းလင်း သိသွားမယ့်အပြင် Billboard မှာ ကြော်ငြာမယ်ဆိုရင် ဆောင်သင့်၊ ရှောင်သင့်တဲ့ အရာတွေကိုလည်း နားလည်သွားမှာ ဖြစ်ပါတယ်။

စီးပွားရေးတိုင်းအတွက် အရေးကြီးတဲ့ Market Research လုပ်မယ်ဆိုရင်...

ကြော်ငြာဆိုင်းဘုတ်တွေကို များသောအားဖြင့် လမ်းဆုံ၊ လမ်းခွတွေ၊ ကားလမ်းမဘေးတွေနဲ့ လူစည်ကားရာ နေရာတွေမှာ ထောင်ထားတာ ဖြစ်လို့ သင့်ရဲ့ ကြော်ငြာကို ကားပိတ်နေတဲ့အခါ၊ မီးပွိုင့်မိနေတဲ့အခါ၊ သွားရင်းလာရင်း မမြင်ချင်ရင်တောင် မြင်နေရမှာ ဖြစ်ပါတယ်။ ဒါကတော့ Billboard ကို ဘာကြောင့် နာမည်ကြီး ကုမ္ပဏီတွေက စရိတ်များများသုံးပြီး ကြော်ငြာနေသလဲဆိုတဲ့ အကြောင်းရင်းပါ။

ရုပ်ရှင်ဇာတ်ကားတွေ ရုံတင်တဲ့အခါ၊ သီချင်းအသစ်တွေ ထွက်တဲ့အခါ၊ ရှိုးပွဲတွေ လုပ်တဲ့အခါ၊ ပွဲတော်တွေ ကျင်းပတဲ့အခါမှာလည်း Billboard ကိုပဲ အသုံးပြုကြပါတယ်။ ဘာကြောင့်လဲဆိုတော့ မြန်မာတစ်နိုင်ငံလုံးက လူတွေ သိအောင်ဆိုရင် Billboard က အသင့်တော်ဆုံး ကြော်ငြာချန်နယ်တစ်ခု ဖြစ်နေတာကြောင့်ပါ။ အခုနောက်ပိုင်း ကုမ္ပဏီကြီးတွေသာမကပဲ အသေးစားလုပ်ငန်းလေးတွေကအစ ကြော်ငြာလာကြပြီ ဖြစ်ပါတယ်။

တစ်ခု သတိထားရမှာကတော့ သင့်ရဲ့ ကြော်ငြာကို အနည်းဆုံး ၃ လလောက် ထားသင့်ပါတယ်။ ကိုယ့်ရဲ့ ကြော်ငြာဆိုင်းဘုတ်ခ်က အရမ်းရှုပ်ထွေးနေတာမျိုး မဖြစ်အောင်လည်း ဂရုစိုက်ပါ။ ရိုးရိုးရှင်းရှင်းနဲ့ ဆွဲဆောင်မှု ရှိနိုင်တဲ့ ပုံမျိုးကို သုံးပါ။ ဥပမာ - ဘာပဲလိုလို ရန်ကုန်လမ်းညွှန် ဆိုပြီး Question Mark လေး တစ်ခုနဲ့ ကြော်ငြာပြတာမျိုးပါ။

နောက်တစ်ခုက ပုံတွေ၊ စာတွေနဲ့ ဒီဇိုင်းတွေကို ခဏခဏ ချိန်းပစ်တာမျိုး မလုပ်သင့်ပါဘူး။ လူတွေက သင့်ရဲ့ ကြော်ငြာကို ကြည့်ချိန်က ခဏလေးပါ။ ကြော်ငြာကိုသာ ခဏခဏ ပြောင်းလဲနေတယ်ဆိုရင် ဘယ်လိုမှ မှတ်မိမှာ မဟုတ်ပါဘူး။ တူညီတဲ့ ကြော်ငြာတစ်ခုထဲကိုပဲ အမြဲတမ်း မကြာခဏ ကြည့်မိမယ်ဆိုရင်တော့ စက္ကန့်ပိုင်းလေး ဖြစ်ရင်တောင် သင့်ကြော်ငြာကို ကြာရင် မှတ်မိသွားမှာ ဖြစ်ပါတယ်။

Su Mon Oo

Read times
Rate this item
(5 votes)