-->


ထိရောက်ဆန်းသစ်တဲ့ လက်ကမ်းကြော်ငြာတစ်စောင်ဘယ်လိုဖန်တီးမလဲ

ထိရောက်ဆန်းသစ်တဲ့ လက်ကမ်းကြော်ငြာတစ်စောင်ဘယ်လိုဖန်တီးမလဲ Google

ကြော်ငြာနည်းလမ်းတွေ များစွာရှိတဲ့ထဲမှာမှ လက်ကမ်းကြော်ငြာ၊ စာစောင်ကြော်ငြာများဟာ ကုန်ကျစရိတ်အသက်သာဆုံး ကြော်ငြာနည်းလမ်းတစ်ခုဖြစ်ပါတယ်။

လက်ကမ်းကြော်ငြာစာစောင်ဟာ သင့်စီးပွားရေးတစ်ခုလုံး အောင်မြင်မှုရရှိဖို့အတွက် ကနဦးမိတ်ဆက်လွှာလို့လဲ ပြောလို့ရပါတယ်။ ဒါကြောင့် သင့်လုပ်ငန်းအတွက် ထိရောက်ဆန်းသစ်မှုအပြည့်အဝရှိတဲ့ လက်ကမ်းကြော်ငြာစာစောင်တစ်ခုဖန်တီးတော့ဖို့ လိုအပ်တဲ့အချက်တွေကို ဖော်ပြပေးလိုက်ပါတယ်။

(၁) အောက်ခံအရောင်

ရောင်စုံလက်ကမ်းကြော်ငြာစာစောင် တစ်ခုဖန်တီးလိုပါက စက္ကူအဖြူ သို့မဟုတ် အောက်ခံအရောင်ဖျော့တဲ့စာရွက်ကို သုံးသင့်ပါတယ်။

(၂) ရာသီရုပ်

ကျရောက်နေတဲ့ ရာသီပွဲတစ်ခုခုရဲ့ နိမိတ်ပုံ ဒါမှမဟုတ် ပုံရိပ်တစ်ခုခုကိုလည်း ထည့်သွင်းရေးဆွဲနိုင်ပါတယ်။ ဥပမာ - ခရစ်စမတ်ရာသီဆိုရင် စန်တာကလော့ပုံ၊ ကဆုန်လဆိုရင် ညောင်ရေသွန်းပုံ၊ သင်္ကြန်လဆိုလျှင် ရေစင်သွန်းလောင်းနေတဲ့ပုံ၊ ကမ္ဘာ့ဖလားပွဲရာသီဆိုရင် ဘောလုံးပွဲနဲ့ပတ်သက်တဲ့ပုံ စတာတွေကိုထည့်သွင်းရေးဆွဲနိုင်ရင် ပိုမိုအသက်ဝင်ပြီး ဖတ်ရှုသူအတွက် စိတ်ဝင်စားဖွယ်ဖြစ်နိုင်ပါတယ်။

(၃) ခေါင်းစီး

ကြော်ငြာမည့်ကုန်စ္စည်း သို့မဟုတ် ဝန်ဆောင်မှုပြုလုပ်မယ့် လုပ်ငန်းအမည်ကို ကျန်စာလုံများထက် ပိုမိုကြီးမားထင်ရှားစွာ ဖော်ပြထားရန်ဖြစ်ပါတယ်။ အောက်ခံအရောင် ဒါမှမဟုတ် အခြားစာသားအရောင်များနဲ့ ကွဲပြားခြားနားသွားအောင်ပါ။ စကားလုံပုံစံ (font) လည်းကွဲပြားရမှာဖြစ်ပါတယ်။

(၄) လိပ်စာ

ကုန်ပစ္စည်းရနိုင်မယ့် လိပ်စာ၊ ဖုန်းနံပါတ်၊ အီးမေလ်းလိပ်စာ သို့မဟုတ် ဝန်ဆောင်မှုပေးနိုင်မယ့် လိပ်စာများကို တိကျသေချာစွာ ဖော်ပြပါရှိရမှာဖြစ်ပါတယ်။ ဆိုင်ခွဲ၊ ကုမ္ပဏီခွဲ၊ ရုံးခွဲတို့ရှိပါက ထည့်သွင်းဖော်ပြရပါမယ်။

(၅) စာသား

အတွင်းစာသားများကို ရှင်းလင်းပြတ်သားစွာ ဖော်ပြရပါမယ်။ အမိန့်ပေးလေသံ၊ တောင်းပန်တိုးလျှိုးလေသံတို့မပါဘဲ သတင်းပေး၊ အသိပေးကြော်ငြာတဲ့ လေသံတိဖြစ်ရမယ်။ ဒါမှ သင်ရဲ့လက်ကမ်းကြော်ငြာစာစောင်ဟာ ပီပြင်တဲ့ ကြော်ငြာစာစောင်တစ်စောင် ဖြစ်လာနိုင်မှာဖြစ်ပါတယ်။

သင်လည်း သင့်လုပ်ငန်းအတွက် ကြော်ငြာစာစောင် ပြုလုပ်မည်ဆိုပါက ကြော်ငြာလုပ်ငန်းများကို https://bit.ly/2WvQoT3 တွင် ဝင်ရောက်ရှာဖွေနိုင်ပါတယ်။

Read More>>> Instagram နဲ့ WhatsApp ကို နာမည်ပြောင်းတော့မယ့် Facebook

Myanmar Advertising Directory

 

Read times
Rate this item
(1 Vote)