လူတွေဟာ ဘ၀မျိုးစုံမှာ ရုန်းကန်လှုပ်ရှားနေရင်း မိမိကိုယ်ကို ပျော်ရွှင်အောင်နေဖို့ မေ့နေတတ်ကြ ပါတယ်။
အလုပ်အရာမှာအောင်မြင်ပြီး ဘ၀ကို ပျော်ရွှင်စွာ မဖြတ်သန်းတတ်ရင်တော့ အောင်မြင်သည်ဟု မဆိုနိုင် ပါဘူး။ အောက်မှာ ဘ၀ကို ပျော်ရွှင်စွာ ဖြတ်သန်းနေသူများ၏ အလေ့အကျင့်ကို ဖော်ပြပေးလိုက်ပါတယ်။
၁။ ဘ၀မှာပျော်ရွှင်မှုအချိန်ပေးခြင်း
ဘ၀ကို ပျော်ရွှင်စွာ ဖြတ်သန်းနေသူတွေဟာ သူတို့၏ နေ့စဉ်ဘ၀ကို ဘောင်အတွင်းမှာပဲ မနေကြပါဘူး။ သူတို့ဟာ အလုပ်လုပ်ချိန်မှာ အလုပ်လုပ်သလို ပျော်ရွှင်သင့်သည့်အချိန်မှာလည်း လွတ်လွတ်လပ်လပ် ပျော်ရွှင်တတ် ကြပါတယ်။ Work and life balance ရှိစွာ နေတတ်ကြသူတွေဖြစ်ပါတယ်။
၂။ လေ့ကျင့်ခန်းလုပ်ခြင်း
လေ့လာစမ်းသပ်ချက်တွေအရ လူတစ်ယောက်ဟာ ခန္ဓာကိုယ်ကို ဆယ်မိနစ်ခန့် လေ့ကျင့်ခန်းလုပ်ပေးခြင်းဖြင့် ဦးနှောက်ထဲတွင်ရှိသော Neurotransmitter များ၏ လုပ်ဆောင်မှုကို ပိုမိုအဆင်ပြေချောမွေ့စေရန် အထောက်အကူပြုပါတယ်။ ထို့ကြောင့် ပျော်ရွှင်စွာနေတတ်တဲ့ လူတွေဟာ လေ့ကျင့်ခန်းပုံမှန်လုပ်ပြီး စိတ်ရောကိုယ်ပါ ကျန်းမာချမ်းသာစွာ နေတတ်ကြပါတယ်။
၃။ အလှူအတန်းပေးကမ်းရက်ရောခြင်း
အနောက်တိုင်းသုတေသန တွေ့ရှိချက်များအရ မိမိကိုယ်ကို ဖြည့်ဆည်းပေးခြင်းထက် တစ်ပါးသူကို ပေးကမ်းလှူတန်းသောစိတ်ရှိသောသူများက ပိုမိုပျော်ရွှင်စွာ နေတတ်သူတွေဖြစ်ကြောင်း တွေ့ရှိရပါတယ်။ မိမိ၏ ပေးကမ်းလှူဒါန်းခြင်းကြောင့် တစ်ပါးသူ ပျော်ရွှင်သွားအောင်လုပ်ခြင်းဖြင့် မိမိကိုယ်တိုင်လည်း ပီတိဖြစ်စေ နိုင်ပါတယ်။
၎။ မိမိကို ပျော်ရွှင်စေသောသူများနှင့်နေထိုင်ခြင်း
အချို့သောသူတွေဟာ အလုပ်အရာမှာအောင်မြင်သော်လည်း မိမိ၏ လုပ်ဖော်ကိုင်ဖက်များနှင့် အဆင်မပြေ ဖြစ်ပြီး စိတ်မချမ်းမသာဖြစ်တတ် ကြပါတယ်။ ထို့ကြောင့် ပျော်ရွှင်စွာနေထိုင်တတ်သူများက မိမိကို စိတ်ချမ်းသာစေသော လုပ်ဖော်ကိုင်ဖက်များရှိသည့် ပတ်ဝန်းကျင်တွင်သာ နေထိုင်ပြီး ဘ၀ကို ပျော်ရွှင်စွာ ဖြတ်သန်းတတ်ကြပါတယ်။
၅။ အကောင်းမြင်ဝါဒရှိခြင်း
များသောအားဖြင့် လူအများက ကိစ္စတစ်ရပ်ကြုံလာတိုင်း အစိုးမြင်ဝါဒီဖြင့် ကြည့်တတ်မြင်တတ်ကြပါတယ်။ သို့သော်လည်း ပျော်ရွှင်စွာနေတတ်သူများက မည်မျှပင် ကြီးမားခက်ခဲသော ကိစ္စများကြုံနေပါစေ အကောင်းမြင်စိတ်ဖြင့် ကြည့်ကာ အရာရာကို တင့်သင့်စွာ နှလုံးသွင်းတတ်ပြီး အချို့အရာများတွင်လည်း ဥပက္ခာတရားစိတ်တွင်ထားကာ အကောင်းဆုံး ဘ၀ကို ဖြတ်သန်းတတ်ကြပါတယ်။
စာဖတ်သူများအားလုံး စိတ်ချမ်းသာ ကိုယ်ကျန်းမာကြပါစေ….
