-->


သင်အလုပ်ထွက်သင့်ကြောင်း သိနိုင်သည့်အချက် ၅ ချက်

သင်အလုပ်ထွက်သင့်ကြောင်း သိနိုင်သည့်အချက် ၅ ချက် google

လူတိုင်းဟာ မိမိမလုပ်ချင်သော အလုပ်များ၊ မိမိဝါသနာနှင့် မကိုက်ညီသော အလုပ်များကို လုပ်တတ်ရပါတယ်။

ဒါပေမယ့် တစ်ခါတစ်ရံမှာ အကြောင်းအမျိုးမျိုးကြောင့် ထိုအလုပ်ကို ဆက်လုပ်ဖြစ်နေတာမျိုးလည်း ရှိတတ်ပါတယ်။ သို့သော်လည်း သင့်အလုပ်မှာ တွေ့ကြုံနေရတာတွေက အောက်ပါအချက်တွေနှင့် ကိုက်ညီနေပါက သင့်လက်ရှိအလုပ်ကို စွန့်ခွာရန် အချိန်ကျနေပြီဖြစ်ပါတယ်။ ထိုအချက်များကို အောက်တွင် ဆက်လက် ဖော်ပြပေးထားပါတယ်။ အဓိကအားဖြင့် အချက် ငါးချက်ရှိပါတယ်။

၁။ နေ့စဉ်နေ့တိုင်းလိုလို အလုပ်တွင် မပျော်ရွှင်ခြင်း

လူတိုင်းဟာ အလုပ်မှာတစ်ခါတစ်ရံအဆင်မပြေတာမျိုး၊ မပျော်ရွှင်တာမျိုးတွေ့ရှိရတတ်ပါတယ်။ သို့သော်လည်း သင်ဟာ သင့်အလုပ်မှာ နေ့စဉ်လိုလို အဆင်မပြေမှု၊ မပျော်ရွှင်မှု တွေကြုံတွေ့နေရရင်တော့ သင်အလုပ်ပြောင်းရွှေ့ဖို့ အနည်းငယ်စတင်စဉ်းစားသင့်ပါတယ်။ သင့်ပတ်ဝန်းကျင်တွင်ရှိသော လုပ်ဖော်ကိုင်ဖက်များနှင့် အဆင်မပြေခြင်း၊ နားလည်မှုလွဲခြင်း၊ စိတ်ဓာတ်ကျဆင်းခြင်း အစရှိသော အချက်များကို နေ့စဉ်ကြုံတွေ့နေရပါက သင့်ကို တစ်စထက်တစ်စ ပိုမိုစိတ်ပင်ပန်းစေကာ ကျန်းမာရေးကိုပါ ထိခိုက်နိုင်ပါတယ်။

၂။ ပတ်ဝန်းကျင်ကောင်းမရှိခြင်း

အလုပ်မှာ လူအမျိုးမျိုးစိတ်အထွေထွေနှင့် ကြုံတွေ့ရတတ်ပါတယ်။ သင်က မည်မျှ ပင်ကောင်းစေကာမူ အချို့လူများက သင့်အပေါ်အမြဲတစေမကောင်းမြင်၊ မနာလို လောဘစိတ်နှင့် ကြည့်တတ်ကြပါတယ်။ သို့သော်လည်း သင့်အလုပ်ပတ်ဝန်းကျင်တွင် ယင်းကဲ့သို့ စိတ်ဓာတ်ရှိသော လူများ အလွန်များပြားနေပါက သင့်အလုပ်ကို ပြောင်းလဲသင့်သည့်အချိန်ကျရောက်နေခြင်းဟု မှတ်ယူနိုင်ပါတယ်။

၃။ သင်၏ပင်ကိုယ်အရည်အချင်းနှင့် အလုပ်တာဝန်မကိုက်ညီခြင်း

ထိုသို့မကိုက်ညီတာမျိုးတွေ့တော့ မကြာခဏကြုံတွေ့ရတတ်ပါတယ်။ သို့သော်လည်း ဆရာဝန်တစ်ဦးကို အင်ဂျင်နီယာတာဝန် ပေးအပ်ထားရင်တော့ မည်သူမှ ထိုအလုပ်မှာ ဆက်လက်လုပ်ဆောင်နိုင်မှာ မဟုတ်ပါဘူး။ ထို့အတူပါပဲ IT သမားတစ်ဦးကိုလည်း HR တာဝန်ပေးအပ်လို့မရပါဘူး။ အကယ်၍ သင်ဟာ သင့်အလုပ်မှာ လွဲမှားတယ့် တာဝန်ပေးအပ်ခြင်းမျိုးကြုံရပါက ထိုအလုပ်ကို ဆက်လက်မထမ်းဆောင်နိုင်ကြောင်း ပွင့်ပွင့်လင်းလင်းပြောဆိုသင့်ပါတယ်။

၎။ နေရာမပေးခြင်း

နိမ့်ချထားခြင်း၊ နေရာမပေးခြင်းအစရှိတယ့်ကိစ္စရပ်များကတော့ အလုပ်တွင် အမြဲလိုလို ကြုံတွေ့ရတတ်ပါတယ်။ ထိုသို့ ကြုံတွေ့ရ လျှင် ပထမဦးစွာ သင်သည် ယခုလက်ရှိ ရောက်ရှိနေသော နေရာထက် ပိုမိုစွမ်းဆောင်နိုင်ကြောင်း၊ ထို့ကြောင့် သင့်ကို အထိုက်အလျှောက် ရာထူးတိုးပေးရန် စဉ်းစားပေး လိုကြောင်းကို သင်၏ အထက်အရာရှိ (သို့) တာဝန်ရှိသူအားပြောကြားပါ။ ထိုသို့ ပြောကြားသော်လည်း အချိန်ကာလတစ်ခုအထိ ရာထူးတိုးပေးခြင်းမရှိပါက သင့်အရည်အချင်းအမှန်ကို နစ်မြှုပ်စေမည့်အစား အခြားနေရာပေးသော ကုမ္ပဏုီု (သို့) အဖွဲ့အစည်းတစ်ခုသို့ ပြောင်းလဲရန် အချိန်ရောက်နေပြီ ဖြစ်ပါတယ်။

၅။ ရလဒ်ကောင်းများ မရရှိခြင်း

မည်သည့်အလုပ်တွင်မဆို ရလဒ်ကောင်းရသည့်အချိန်အခါလည်းရှိသလို ရလဒ်ကောင်းမရသည့် အချိန်အခါလည်း ရှိနိုင်ပါတယ်။ သို့သော်လည်း သင်မည်မျှပင် ကြိုးစားစေကာမူ ရလဒ်မကောင်းများ မမြဲတစေရရှိနေပါက သင်၏အလုပ်အတွက် ပြန်လည်စဉ်းစားရန် လိုအပ်လာပါတယ်။ သင်၏အထက်လူကြီးက သင်လုပ်သမျှအပေါ် ရလဒ်ကောင်းဟု မသတ်မှတ်ခြင်း (သို့) သင့်အလုပ်ပတ်ဝန်းကျင်တွင်ရှိသော အခြေအနေအကြောင်းအရာများကြောင့် ရလဒ်ကောင်း အချိန်အတိုင်းအတာတစ်ခုအထိ မရပါက သင်၏အလုပ်လမ်းကြောင်းကို ပြောင်းလဲရန် စဉ်းစားသင့်သည့် အချိန် ကျရောက်နေပြီဖြစ်ပါတယ်။

စာဖတ်သူများ အောင်မြင်မှုဆွတ်ခူးရရှိနိုင်ကြပါစေ ….

Read times
Rate this item
(2 votes)