-->


ဖေ့ဘွတ်ခ်ကိုအပျော်သုံးတာအပြင် ဒီလိုနည်းလမ်းတွေနဲ့ပိုက်ဆံရှာကြမယ်

ဖေ့ဘွတ်ခ်ကိုအပျော်သုံးတာအပြင် ဒီလိုနည်းလမ်းတွေနဲ့ပိုက်ဆံရှာကြမယ် Google

မြန်မာနိုင်ငံမှာ လူသုံးအများဆုံးဖြစ်တဲ့ဖေ့ဘွတ်ခ်ပ်ါမှာ အသုံးပြုသူသန်း (၂၀)နီးပါးခန့်ရှိတာဖြစ်တဲ့အတွက် မြန်မာနိုင်ငံလူဦးရေ (၃)ပုံ (၁)ပုံခန်က ဖေ့ဘွတ်ခ်ကိုအသုံးပြုနေတယ်လို့ ပြောလို့ရပါတယ်။

အသုံးပြုသူများပြားလှတဲ့ ဖေ့ဘွတ်ခ်ကို အပျော်သက်သက်အသုံးပြုရုံတင်မကဘဲ ဖေ့ဘွတ်ခ်ပေါ်မှပိုက်ဆံရှာနည်း(၅)နည်းကို ရေးသားဖော်ပြလိုက်ပါတယ်။

(၁) Freelance Facebook Manager

စီးပွားရေးလုပ်ငန်းတွေအနေနဲ့ ဖေ့ဘွတ်ခ်ပေါ်ကိုတက်ဖို့ လိုအပ်လာချိန်မှာ ဖေ့ဘွတ်ခ်ကိုကျွမ်းကျင်စွာအသုံးပြုတတ်သူရဲ့ အကူအညီလိုအပ်လာမှာဖြစ်ပါတယ်။ ဖေ့ဘွတ်ခ် Manager တစ်ယောက်အနေနဲ့ လုပ်ငန်းရှင်ကို ကူညီပြီး Page ထောင်ခြင်းမှ စတင်ပြီး Boost လုပ်ခြင်း၊ ဈေးရောင်းခြင်း၊ အရောင်းစာရေးတတ်ခြင်း စတဲ့ ဝန်ဆောင်မှုများပေးအပ်ပြီး ပိုက်ဆံရှာလို့ရပါတယ်။

(၂) Online အော်ဒါကောက်

Online မှ ပစ္စည်းများကို အော်ဒါကောက်ပြီး ပြန်လည်ရောင်းချပေးခြင်းဖြင့် ရောင်းချသောပစ္စည်းတန်ဖိုးအလိုက် ကော်မရှင်ရရှိမှာဖြစ်ပါတယ်။ ဖေ့ဘွတ်ခ် Group များတွင် ပို့စ်များဝင်တင်ခြင်း၊ Account တွင်ပို့စ်တင်ခြင်း၊ စိတ်ဝင်စားသူများကို သွက်လက်စွာပြောဆိုရောင်းချတတ်ခြင်း စတဲ့အရည်အချင်းများလိုအပ်ပါတယ်။

(၃) Online Shop

Alibaba ကဲ့သို့သော တရုတ်နိုင်ငံမှ လက်ကားအရောင်းဆိုင်များမှ လက်ကားပစ္စည်းများမှာယူပြီး ပြန်လည်ရောင်းချခြင်းဖြင့် အကျိုးအမြတ်ရှာဖွေနိုင်ပါတယ်။ ယခင်က တော်တော်လုပ်ခဲ့ကြပြီး ယခုအခါနည်းပါးသွားပေမယ့် သေချာစွာလုပ်နိုင်ရင် အကျိုးအမြတ်ကောင်းစွာရတဲ့အလုပ်ဖြစ်ပါတယ်။

Read More >>>စီးပွားရေးလောကမှာ အောင်မြင်ချင်သူတွေချမှတ်ထားသင့်တဲ့ နည်းဥပဒေသ(၈)ချက်

(၄) Video Creator

မိမိကျွမ်းကျင်သော အပိုင်းများကို Video များဖြင့် ရိုက်ကူးပြီး ပြန်လည်မျှဝေခြင်းဖြင့် ပိုက်ဆံရှာနိုင်ပါတယ်။ ကြော်ငြာများလက်ခံခြင်း၊ အခြားသူတို့၏ ကုန်ပစ္စည်းများအကြောင်း ပြောပေးခြင်း၊ ဖေ့ဘွတ်ခ်မှ ထည့်သွင်းသော ကြော်ငြာများမှဝင်ငွေရခြင်း စတဲ့နည်းအမျိုးမျိုး ရှိပါတယ်။

(၅) Live လွှင့်ပေးသူ

Live လွှင့်ပေးပြီး အခြားသူရဲ့ကုန်ပစ္စည်း သို့မဟုတ် မိမိထုတ်ကုန်ကို ရောင်းချနိုင်ပါတယ်။ Live အတွင်းဝယ်ယူပါက လျှော့ဈေးပေးခြင်း၊ လေလံပစ်နိုင်ခြင်း၊ ကြည့်ရှုသူများခြင်း စတဲ့ အကျိုးကျေးဇူးတွေရနိုင်ပြီး ရောင်းအားမြှင့်တင်နိုင်ပါတယ်။

ဒါလေးတွေကတော့ လတ်တလော အလွယ်တကူလုပ်လို့ရတဲ့ ဖေ့ဘွတ်ခ်မှပိုက်ဆံရှာနည်းများပဲဖြစ်ပါတယ်။

#Credit

 

Read times
Rate this item
(1 Vote)