-->


စရိတ်နည်းနည်းနဲ့ထိရောက်တဲ့ကြော်ငြာကို လူသိများလာအောင်ဖန်တီးချင်ပါသလား

စရိတ်နည်းနည်းနဲ့ထိရောက်တဲ့ကြော်ငြာကို လူသိများလာအောင်ဖန်တီးချင်ပါသလား Google

သင့်မှာကိုယ်ပိုင်စီးပွားရေးတစ်ခု အစပျိုးလုပ်ကိုင်နေပြီး သင့်လုပ်ငန်းကိုဘယ်လိုကြော်ငြာရမလဲလို့ စဉ်းစားနေပြီလား။

လူသိလည်းများရမယ်၊ ထိရောက်တဲ့ကြော်ငြာမှုမျိုးလည်း ဖြစ်ရမယ်၊ ငွေကြေးလည်းအတိုင်းအတာ တစ်ခုအတွင်းမှာပဲ ကုန်ကျရမယ်၊ အစရှိသဖြင့်ပေါ့။ ဒီလိုဆိုရင်တော့ ဒီအကြံပြုချက်လေးတွေကို ဖတ်ကြည့်လိုက်နော်။ သင့်ရဲ့လုပ်ငန်းကို ဘယ်လိုကြာ်ငြာရမလဲဆိုတာ အိုင်ဒီယာလေးရသွားပါလိမ့်မယ်။

၁။ ကိုယ့်ကုန်ပစ္စည်းကို ကြိုက်နှစ်သက်တဲ့ပရိသတ်ကို သိအောင်လုပ်ပါ။

သင့်ရဲ့ကုန်ပစ္စည်းကို ဘယ်လိုလူမျိုးတွေက အများဆုံးအသုံးပြုကြသလဲ။ အဲဒါကို အရင်စဉ်းစားပါ။ လူငယ်တွေလား၊ လူကြီးတွေလား၊ အမျိုးသမီးတွေလား၊ အမျိုးသားတွေလား စသဖြင့်ပေါ့။ အဲဒါဆိုရင် ဘယ်လိုနေရာမျိုးမှာ ကြော်ငြာရမလဲဆိုတာ စဉ်းစားလို့ရမှာဖြစ်ပြီး ကိုယ်ကြော်ငြာမယ့်နေရာမှာ ကိုယ့်ကုန်ပစ္စည်းကိုသုံးနိုင်တဲ့ ပရိသတ်ရှိ၊မရှိကို အရင်ဆုံးဖြတ်လို့ရမှာ ဖြစ်ပါတယ်။

၂။ မှန်ကန်တဲ့နေရာကို ရွေးချယ်ပါ။

ခုနတုန်းက ကိုယ့်ရဲ့ပရိသတ်တွေကို သိအောင်လုပ်ပြီးပြီဆိုရင် ကြော်ငြာဖို့အတွက် မှန်ကန်တဲ့နေရာကို ရွေးချယ်ရပါတော့မယ်။ သင့်ရဲ့ကုန်ပစ္စည်းက အားကစားနဲ့ဆိုင်တဲ့ အဝတ်အစားတွေ ဆိုပါစို့။ ဒီလိုဆိုရင် သင့်ရဲ့ကုန်ပစ္စည်းကို အားပေးတဲ့သူတွေက လူငယ်တွေနဲ့ အားကစားကို နှစ်ခြိုက်သူတွေဖြစ်မှာ သေချာပါတယ်။ ဒီလိုဆိုရင် သူတို့လာနိုင်တဲ့ ဘောလုံးကွင်းလိုမျိုးနေရာမှာ ကြော်ငြာလိုက်ရင် ပိုပြီးလူသိများလာနိုင်တယ်လေ။

၃။ ကုန်ကျစရိတ်ကို တွက်ချက်ပါ။

ဒီနေ့ခေတ်မှာတော့ ကြော်ငြာလို့ရတဲ့ ပုံစံတွေအများကြီး ရှိနေပါပြီ။ တီဗီအစီအစဉ်တွေကနေ ကြော်ငြာမလား၊ ရေဒီယိုကလား၊ ဒါမှမဟုတ် သတင်းစာတွေ ဂျာနယ်တွေကနေလား စသဖြင့် ကိုယ့်ရဲ့ကုန်ကျစရိတ်နဲ့ ကိုက်ညီတဲ့ မီဒီယာကိုရွေးပြီး ဆုံးဖြတ်နိုင်ပါပြီ။ အဓိက က ကိုယ့်အနေနဲ့ ကြော်ငြာအတွက်ကုန်ကျစရိတ် ဘယ်လောက်သုံးမယ်ဆိုတာ တိတိကျကျသတ်မှတ်ထားဖို့နဲ့ အဲဒီကုန်ကျစရိတ်ထဲကိုဝင်အောင် ကြော်ငြာရမယ့်မီဒီယာကို ရွေးဖို့ပဲ ဖြစ်ပါတယ်။

Read More>>> အရောင်းမြှင့်တင်နိုင်မယ့်အပြင် ကြော်ငြာပြီးသားလည်းဖြစ်အောင်...

၎။ ပရိသတ်တွေဆီ သင်ပေးချင်တဲ့ မက်ဆေ့ခ်ျကို စဉ်းစားပါ။

သင်ကဘယ်လိုနည်းလမ်းနဲ့ သင့်ရဲ့ကုန်ပစ္စည်းကို ပရိသတ်တွေသိအောင်လုပ်မလဲ။ ပရိသတ်တွေက ဘယ်လိုအကြောင်းအရာနဲ့ဆက်နွယ်ပြီး သင့်ရဲ့ကုန်ပစ္စည်းကို မှတ်မိနေစေချင်လဲဆိုတာက သင်ဘယ်လိုမက်ဆေ့ခ်ျပေးမလဲ ဆိုတဲ့အပေါ်မှာ မူတည်ပါတယ်။ သူတို့အနေနဲ့ဒီကုန်ပစ္စည်းကို ဝယ်လိုက်ရင်ဘယ်လိုအကျိုးရှိမယ်ဆိုတာမျိုး၊ ဒီကုန်ပစ္စည်းကပတ်ဝန်းကျင်ကို ဘယ်လိုအထောက်အပံ့ပေးတယ်ဆိုတာမျိုး သင့်ရဲ့ကြော်ငြာတွေဆီကနေ ပရိသတ်ကို ပြောပြသင့်ပါတယ်။

၅။ လူတိုင်းစိတ်ဝင်စားဖို့ မမျှော်လင့်ပါနဲ့။

သင့်ရဲ့ကြော်ငြာကို လူတိုင်းစိတ်ဝင်စားဖို့ မလိုပါဘူး။ သင်ရည်မှန်းထားတဲ့၊ သင့်ပစ်မှတ်ထားတဲ့ ပရိသတ်တွေစိတ်ဝင်စားတယ်ဆိုရင်ပဲ သင့်ရဲ့ကြော်ငြာက အောင်မြင်ပါပြီ။ သင့်ရဲ့ကြော်ငြာက လူငယ်တွေအတွက် ရည်ရွယ်တယ်ဆိုရင် လူကြီးတွေဆီက “ဘယ်လိုကြော်ငြာကြီးမှန်း မသိဘူး” ဆိုတဲ့စကား ကြားရတဲ့အခါ စိတ်မပျက်ပါနဲ့။ သင့်ကြော်ငြာက ဘယ်သူတွေကို ရည်ရွယ်သလဲဆိုတာ အမြဲသတိရနေလိုက်ပါ။


Credit; Linn

 

Read times
Rate this item
(1 Vote)