-->
×

Warning

JUser: :_load: Unable to load user with ID: 29


ဖန်တီးမှုကောင်းအောင်ဘယ်လိုတွေလုပ်ဆောင်သင့်သလဲ

လူတော်တော်များများရဲ့ အမြင်မှာ ဖန်တီးမှုဟာ ပါရမီလို့ ထင်ကြပါတယ်။ ဒီလက်ဆောင်ကောင်းကို ပါရမီရှင်တွေပဲ ရရှိတာလို့ ယုံကြပါတယ်။ ဒီအမြင်ကို ခေါက်လိုက်ပါ။ သင်လည်း ဖန်တီးမှု စွမ်းရည်မြင့်သူ ဖြစ်လာနိုင်ပါတယ်။ဖန်တီးမှုအားကောင်းဖို့အတွက် သင့်ကိုယ်သင် ဖွင့်ထားဖို့ လိုပါတယ်။ သင့်ကိုယ်သင် မလွတ်လပ်သမျှ ဖန်တီးနိုင်မှာ မဟုတ်ပါဘူး။ လွတ်လပ်တဲ့ စိတ် ၊ အကြောက်အရွံ့နည်းတဲ့ စိတ်နဲ့ပဲ ဖန်တီးမှုကို သင့်ဆီရောက်အောင် ဖိတ်ခေါ်နိုင်ပါတယ်။ အရေးကြီးတာက ဖန်တီးချင်တဲ့ ကွန့်မြူးစိတ်ကို ချုပ်မထားဖို့ပါပဲ။ နောက်တစ်ခုက ဖန်တီးမှုကောင်းဖို့ ဒီ ၃ ချက်ကို လိုက်နာသင့်ပါတယ်။

(၁) သင့်ရဲ့ Inner Child နဲ့ ဆက်သွယ်ပါ

===========================

မျက်လုံးမှိတ်လိုက်ပြီး ကလေးတုန်းက သင်လုပ်ခဲ့တဲ့ အရာတွေ ၊ သင်ဂိမ်းကစားခဲ့ချိန်တွေကို ပြန်သွားပါ။ အဲဒီအချိန်တွေတုန်းက သင်အမှန်တကယ်ချစ်ခဲ့တဲ့ အရာတွေကို ပြန်ဆွဲထုတ်ပါ။ ဘယ်အရောင်တွေကို သင်နှစ်သက်ခဲ့သလဲ။ သင်ငယ်ငယ်တုန်းက အိပ်မက်နဲ့ လုပ်ချင်ခဲ့တဲ့ အရာတွေက ဘာတွေလဲ။သင့်ရဲ့ ကိုယ်တွင်းထဲက ကလေးငယ်နဲ့ စကားပြောပါ။ သင့်အမြင်နဲ့ သူစကားကို နားထောင်ပါ။ ပြီးရင် ဒါတွေထဲက ထူးခြားတဲ့အရာတွေ passion တွေ ရှာဖွေပြီး သင့်ရဲ့ နေ့စဉ်ဘဝ ၊ သင့်ရဲ့ စိတ်ကူးနဲ့ ပရောဂျက်တွေမှာ ပြန်သုံးပါ။ ဒီလို ဖန်တီးမှုပါတဲ့ စိတ်ကူးခြင်းနည်းလမ်းက သင့်ဘဝကို ပိုပြီး အရောင်အသွေးစုံကာ ကျေနပ်စရာ ဖြစ်လာပါလိမ့်မယ်။

 

(၂) သင့်ကိုယ်သင် ဝေဖန်တာ ရပ်ပါ

=======================

Creative ဖြစ်ဖို့ ဆိုရင် ဒီအချက်ကလည်း အခြေခံကျတဲ့ အဆင့် ဖြစ်ပါတယ်။ ဖန်တီးမှုစွမ်းရည်ကို ဆွဲထုတ်ဖို့ ကြောက်တာဟာ တစ်ခြားသူတွေ သင့်ကို ဝေဖန်မှာနဲ့ အများနဲ့ အံမဝင်မှာကို စိုးတဲ့အချက်တွေပေါ် အခြေခံပါတယ်။ သင့်ရဲ့ Inner Creativity ကို ဖွင့်ထုတ်ဖို့ မကြောက်ပါနဲ့။ သင့်ကိုယ်သင်လည်း ဖန်တီးနိုင်စွမ်း ရှိသူဖြစ်ဖို့ ပြန်မဝေဖန်ပါနဲ့။

 

(၃) စူးစမ်းမှုအတွက် အချိန်ပိုယူပါ

=======================

အလုပ်တွေ လက်မလည်အောင် များနေသူမှာ ဖန်တီးနိုင်စွမ်း ထွက်လာဖို့ ခက်ပါတယ်။ အနားယူပါ။ စိတ်ကို အေးအေးဆေးဆေး ငြိမ်းနေအောင် ထားပြီး သင့်ပတ်ဝန်းကျင်က အလှအပတွေကို မြင်နိုင်အောင် ကြည့်ပါ။ စိတ်အေးလက်အေး ဖြစ်နေပြီဆိုမှ အပြင်လောကထဲက လူတွေရဲ့ လှုပ်ရှားသွားလာမှုတွေကို လေ့လာပါ။ ငှက်တွေ ပျံသန်းတာ ၊ သဘာဝတရားကြီး လည်ပတ်နေတာ နဲ့ နေ့စဉ်ဘဝထဲက မြင်ကွင်းတွေ ရှာဖွေပါ။

 

ဒီအချိန်မှာ စိတ်ဟာ အကြောလျှော့ထားပြီး သင့်ကိုယ်ထဲကို ဖန်တီးနိုင်စွမ်းတွေ စိတ်ကူးသစ်တွေ ဝင်လာဖို့ တံခါးဖွင့်လိုက်သလိုပါပဲ။ ဒီကာလမှာ သင်ဟာ အနားရနေပြီး သင့်ပတ်ဝန်းကျင် လောကကြီးရဲ့ အသံကို ကြားနေရမှာပါ။ စူးစမ်းလေ့လာတဲ့ စိတ်အထာဟာ ဖန်တီးမှုမှာ အရေးပါသလောက် အမြဲပဲ အလုပ်ဖြစ်ပါတယ်။

Read times
Rate this item
(2 votes)